Lucas 3:22 - NandevaBiblia

²² Haipe ijyhesha vejy Jesús iãrẽ Espiritu Santo pykasu rãĩmi, haivi iñyhendu vate araivi pente ñee heiva: Nde hai Shyray ahaihuva, ndyrehe shypya hory.

Lucas 3:22 Referans Kwoze

Juan 1:32

Juan heijy: She rãnga ahesha pykasu rãĩmi vate araivi Espiritu Santo vejyherã.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

1 Pedro 2:4

Pimbojahe, Ñandeja Jesucristore, ita hykoveva kuaretare mbijiche vekua, tẽvã Tũpa pevarã hai pyhyrõãva hareka mashyãva.

Mateo 12:18

Kova hai ajokueva apyhỹrõ vekua, she ahaihushu hareka shymbyhoryva. Añonopohe she Espiritu ĩãrẽ, hai mbeupo hekope kavi'õ tenta retaipi.

Colosenses 1:13

Tũpa rãnga ñanynohẽ pyntuivi, hãma ñaniñono Tay haihuva ẽvãpe,

Lucas 4:21

Jesús õñepyrõ heishu reta: Ã'ẽ ikoma kova mbyparaha vekua pynynonde.

Mateo 27:43

Jyroja rãnga hai Tũpare, tymondojepeshu Tũpa ã'ẽvãĩ, ãñete haihushurã; hai hei ñandeva rãĩmi Tũpa Tayva.

Mateo 3:13

Jesús oho Galileaivi, ou Juan ẽvãpe yy syryva Jordánpe hai myngaraishu verã.

Mateo 3:16

Jesús ñymyngaraimarã, yyvi õhẽrã jypeashu ara vate'õ, haipe Jesús hesha Tũpa Espiritu, pykasu rãĩmi vejy ĩãrẽ.

Marcos 1:9

Hãma hoka arape Jesús ou tenta Nazaretvi ẽvã yvy Galileape, hãrã Juan myngaraishu Jordan yy syryvape.

Marcos 1:11

Hãma iñyhendu pente ñee ouva vate araivi heiva: “Nde hai Shyray ahaihuva, nde rupii shypya hory'ẽ”.

Marcos 9:7

Haipe sapy'ãĩ vejy ĩãrẽ ãvãpỹntu, opa jasoi reta. Hãrã ãvãpyntuivi ñyhendu ñee heiva: Kova hai Shyray ahaihuva, pijaposhu heiva.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Juan 5:37

Sheru shymbou vekua ijeta kavi shyrehe, ajemaĩ pyhenduãã hai ijetarã pyheshããvãĩjy marãvara Hai.

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.