Lucas 24:47 - NandevaBiblia

⁴⁷ hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Lucas 24:47 Referans Kwoze

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

1 Juan 2:12

Shyrayre ahaihuva ambyparape kova mbai, shara Tũpa, Jesucristo rupii hejareii pyndyhevi mbai porãmba vekua.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Hechos 10:43

Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

Hechos 4:12

Mba'etyhe mbava ko ojepeva ryheva, shara Ñandeja yngava tyree me'ẽã ñande ko yvy'ĩãrẽ, ñanymondo jepe verã.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 1:6

Kyrãpo ñamombai vasuñoĩshu Tũpa shara ñandyraihuite, hareka hai ĩãrẽve meẽjy ñande mbai haikaviva Tay haihuva rupii.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

Hechos 28:28

Pikuaa kavipo ko Tũpa pyrỹmondojepeva mbe'uhama haimba Judio retape, hãrã haire hendu kavipo kova ñee!

Hechos 26:20

Hãme rãnga ambeu ko ñee tynonde Damascope'iare, haivi Jerusalenpe'iare hareka opaitea Judeaipi. Ambeu jyve haimba Judiova retape oujy verã Tũpa jykoty hareka haire japo vekua rupii tyheshaka mbai porãmba hejamava.

Lucas 13:34

Jerusalén, Jerusalén, rijukariva Tũpa ĩñee mbeu'iare, hareka itape rijapireiva Tũpa mondotendevare! Mbovyjyra shykyrẽỹte ambaty nymembyre, uru memby mbatyva rãĩmi hỹpãpõka'ipe, tẽvã ndee ripotãã!

Mateo 9:13

Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.