Lucas 24:30 - NandevaBiblia

³⁰ Vapyma ñynoĩ hãndi mesaperã, heky pãhã, ohovasarã pysẽã meẽshu reta.

Lucas 24:30 Referans Kwoze

Mateo 14:19

Opa mbyvapyka reta kapi'atarerã, haipe heky pandepo pãhã hareka mokue pira, maĩ vaterã jurureshu Tũpa ohovasa verã. Hãrã pyseã pãhãrã meẽshu mboirea retape, meẽ verã opavape.

Lucas 24:35

Hãrã haire mbeu mbaivara jehushu reta pehupi, hãndi marãra haire kuaajyshu reta Jesús pãhã pysẽãrã.

Lucas 9:16

Hãma Jesús heky pãhã 5 ia hareka mokue pira, hãrã vate ararerã mãirã, ohovasa, pysẽãra mẽshu mboireare, mẽmeẽshu verã kuaretare.

Mateo 15:36

hãrã heky 7 pãhã hareka pira, jurure Tũpa ohovasa verã. Haivi pysẽã meẽ mboirea retape, haire memẽeshu opavape.

Hechos 27:35

Pablo kova mbai heirã, pysy pãhãrã jurure'ĩãrẽ opavare hỹnonde. Haivi pyseãrã hou.

Juan 6:11

Jesús pãhã hekyrã ñymboi'ĩãrẽ, meẽshu mboirea retarã mẽmeẽshu kuaretare vapy'ovare. Kyrãi japojy pira, mẽmeẽshu haire pota houva rãĩmi.

Lucas 22:19

Haivi hekyjy pãhã; opama jururejy'ĩãrã, pyseã meẽshu retarã hei: Kova hai shyrete, me'ẽã pyndyrehe verã. Pynymanduajy shyrehe verã, pijapo kova.

Marcos 14:22

Karuma ñynoĩrã, Jesús pãhã hekyrã ohovasa, pyseã meẽshu retarã hei: Pe'u, kova hai shyrete.

Marcos 8:6

Hãma mbyvapyka kuaretare; haivi heky 7 ia pãhã, ohovasarã, pyseã hareka meẽshu mboireare, haivi memeẽshu verã opaite kuaretare.

Marcos 6:41

Haivi Jesús heky pandepo'ia pãhã hareka mokue'ia pira, maĩ ararerã ñymboi, pyseã pãhãrã haivi meẽshu mboireare mẽmeẽ hupi verã kuaretare; kyrãĩ japojy mokue'õ pira opaiteva pevãrã.

Mateo 26:26

Karumapo ñynoĩ retarã, Jesús heky pãhã, haivi ohovasa; pysẽãmarã meẽshu mboireare hãrã heishu: Peu, kova hai shyrete.

Lucas 24:29

Tẽvã haire jochajyreshu: Pyta orẽndie kope, ka'aruitema rãnga hareka pyntumapo'i. Hãma iche pyta hãndi verãre.

Hechos 2:42

Hãrã haire iko Apostolre mboishua rãĩmi mbijao ijupe reta ĩmereare, ñymbaty retarã hareka iko reta pente ñeepe, jurure hareka hou reta jykaru Tũpa ñymanduaheva ryheva.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.