Lucas 23:5 - NandevaBiblia

⁵ Tẽvã haire hei jyvyĩ: Pyrỹmboiva rãĩmi kuaretare opa pũã ijehe, õñepyrõ Galileape hãrã ã'ẽ kopema vãhẽ ou jyve.

Lucas 23:5 Referans Kwoze

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Juan 1:43

Pareemajyrã, Jesús hei ohojy verã Galilea kyty. Haipe hesha Felipe hãrã heishu: Ei shipive.

Marcos 1:14

Juan Bautista mbyperesohamarã, Jesús oho Galilea kyty mbeu verã Ñee Kaviva Tũpa ẽvãpe'õ ryheva.

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Hechos 23:10

Kyrã ñimbitivishave oho ko ikova, hãrã syndarore juhuvisha kyje jukashu verã Pablo, hẽnoka syndarore nohẽ verãre Pablo haire mbyteivi, raha verãre syndarore ho'ipe.

Hechos 10:37

Pee pikuaa mbaivara jehu opaite Judeape, õñepyrõ Galileaivi, Juan õñepyrõvive ñimiñeerã hareka pyrymyngarairã,

Hechos 7:57

Tẽvã jasaka ñynoĩheva japysa mboty reta hareka opa hỹnatu sapukerã opa ou ĩãrẽ reta Esteban.

Hechos 7:54

Hãrã kova mbai hendu retarã, poshy jyre hareka hãĩ opa mbi'ipu reta.

Hechos 5:33

Haire kova hendumarã poshyitevejy reta, hãrã pota jukajyre reta.

Juan 19:15

Tẽvã haire sapuke jyre: Tymano! Tymano! Mbysavava kurusure! Pilato heishu reta: Marãrapo ambysavava punduruvishavasu kurusure? Pai ruvishare heishu: Penteĩ rãnga'ẽ ururuvisha, hokava hai huvishavasu Romape'õ.

Juan 7:52

Haipe heishu reta Nicodemo: Galileape'õra jyve nde? Mãĩ kavipy kuatia Mbyparahava. Hãrã rikuaapo penteã Tũpa ĩñee mbeu'ia ou Galileaivi.

Juan 7:41

Ĩrũre hei: Kova hai Cristo. Yngavare heijy: Marãrapo Cristo Galileaivi ou?

Lucas 23:23

Tẽvã haire hỹnatu jyvyĩ sapuke jurure reta kurusure mbysavavaha verã; hãrã jysapukekuepy mbysype reta.

Lucas 11:53

Hãma Jesús opa hei kovarã, Moisés mbypara vekua pyrỹmboi'iheare hareka fariseore poshyite jyreshu, hãrã õñepyrõ opavareii pyrãndushu reta,

Mateo 27:24

Pilato heshama mba'ẽãpo japoherã, hareka sapukevaĩ ñymbyheta verã, veruka yy hareka jypoi kuaretare hỹnonderã, hei: Shepo ky'ãpo ko kuimbai heko kaviva manoivi, pee pevarãma kova.

Mateo 2:1

Jesús oa tijupa Belén he'iashuva yvy Judeape, mburuvisha vasu Herodes jy'arape. Akuape vãhẽ jyveru Jerusalenpe kuarasy õhẽaivi kuimbai ãrãndure,

Mateo 11:1

Jesús opama 12 mboireare mbeu kavishurã, õhẽ haivi pyrỹmboi, hareka ñimiñee verã tenta retaipi.

Lucas 23:6

Pilato hendu Galilea heivarã, pyrãndu ko kuimbaipe haira Galileava.