4 Hãrã Pilato heishu pai ruvishare hareka kuaretare: She aheshãhe ko kuimbai maĩnunga porãmbava jajahehe verã.
Pilato pyrãndushu Jesús: Mbaivara hokava añeteva? Hokava pyrãndurã Pilato õhẽjy Judiore ẽvãperã heishu reta: Ko kuimbai aheshããhe porãmba japova.
Hai japoã mbai porãmba, hareka mbavapeã mbytavy.
koñeĩ Cristo huvy haikavivapy, Avisha Ray mambaimbaa, kyambava hareka kapyryva.
Haipe Pilato mbahapyheape heishu reta: Marã'ĩrãra? Mbaiva porãmbara japo? She mba'ety aheshaheva maĩnunga jukaha verã. Ãnupãkaĩpo, haivipo apoishikui.
Hãma Pilato heijyshu reta: Mbaiva porãmbara hai japo? Tẽvã haire hỹnatu jyvyĩ sapuke reta: Mbysavava kurusure!
Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.
Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.
Pilato vapyteri'ẽ tribunalperã, hyreko heishu: “Avy mãĩ'ẽhe, ndeave ko kuimbai heko kaviva, pyhare porãã apaihu, hai rehe”.
Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.
Tẽvã she pevarã hainy mbaimba japova mano verã, shara haitei jurure mburuvisha vasu Augusto hỹnonde mbivachehaka verã, hãrã amondopokui hai ẽvãpe.