Lucas 22:53 - NandevaBiblia

⁵³ Opa ara rãnga tũpao pe aiko'ai pynymbyteipi, mba'ẽã pijapo shyrehe. Tẽvã kova hai'ora pee pã'ãpova, ora mbaikatu timimbipyva.

Lucas 22:53 Referans Kwoze

Efesios 6:12

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Juan 12:27

Ã'ẽ ajepy'apy ãĩ. Mbaivarapo ha'e? Hairapo: “Sheru mbyhasa shyhevi ko jepy'apy porãmba”? Tẽvã ha'ẽrãveara ai ajapo verã Sheru potava.

Colosenses 1:13

Tũpa rãnga ñanynohẽ pyntuivi, hãma ñaniñono Tay haihuva ẽvãpe,

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Juan 7:45

Hãma syndarore tũpaope'õre oujy fariseo hareka pai ruvishare ẽvãperã, haire pyrãndushu: Marã'ĩrãra peruambaje?

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 7:30

Haivi pota pysykajyre; tẽvã mba'ety pysyva shara ndeiteri vãhẽ jy'ara.

Mateo 21:23

Jesús ichejy tũpaope, haipe pyrỹmboiteri'õ, vãhẽ jyveru hai ẽvãpe pai juhuvishare hareka kuakuavare Israelva huvishare, pyrãndu jyreshu: Mbavara heinderã rijapo kova mbai? Mbavara meẽ nde ko mbaikatu?

Lucas 22:52

Haivi Jesús heijyshu reta pai ruvisha hareka tũpao ñyngareko'ihea juhuvishare, hãndi kuakuavare; ou hekavare: Haira she mbai porãmba japo'iva peishe verã kyse pukuva hareka yvyra ryheve?

Lucas 22:54

Hãrã pysyma retarã raha reta pai ruvisha hentape; Pedro mbyryĩ oho'i jyve haykue.

Juan 13:30

Hãrã Judas pãhã pysevẽ opama hourã, ãrẽã õhẽ oho. Pyntumãĩmba.