Lucas 22:26 - NandevaBiblia

²⁶ Tẽvã pee ha'ẽã kyrãpi verã; hãrã vateve'õ pynymbytepe taykueva rãĩmi tiko, hãrã mbai miñaka'õ tiko pyrỹmbory'ia rãĩmi.

Lucas 22:26 Referans Kwoze

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

1 Pedro 5:3

Avy pingareko peĩhevare pikoshu ijarã rãĩmi, piñyhãã tyheshaa pyndyrehe mbaikavi pijapova.

Lucas 9:48

Jesús heishu reta: “Shyreepe myvãhẽva ko sanjaymi, she shymyvãhẽ. Hãrã she shymyvãhẽva, myvãhẽ jyve Sheru shymbou vekua. Hãma kuareta sanjaymi rãĩmi'ia pynymbytepe, hokava hai mbai vasuveva”.

Marcos 9:35

Hãma Jesús vapyrã hẽno 12 iare, haipe heishu reta: Ĩme'ẽ pota vateve'iarã, ikopo taykue'õ rãĩmi, hareka opava retapepo mbory.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Mateo 20:26

Tẽvã pynymbytepe ha'ẽã kyrãĩ verã. Ĩme'ẽ pota vateve'ia pynymbyteperã, opava retapo jokuereiishu,

Marcos 10:43

Pynymbytepe kyrããpo hai: Pota vateve'ia pynymbytepe, tymbory opaitevape.