Lucas 21:8 - NandevaBiblia

⁸ Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.

Lucas 21:8 Referans Kwoze

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

2 Tesalonicenses 2:3

Avy pyma'ẽĩhe mbava pynymbytavy, shara tynondepo vãhẽkui ara Tũpa ñymbyvaisho ouheare hareka ijeshakapojykui kuareta heko porãmba, jyvare pyryrehe verã.

Efesios 5:6

Avy mbava pynymbytavy ñeereivape, kova mbai rehe rãnga verupo Tũpa ñunũpa pohyiteveva opaite ñee hendumbava ĩãrẽ.

Mateo 24:11

Hetapo'ẽ Tũpa ĩñee mbeu'iare japuva, hareka hetavapepo mbytavy.

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

Lucas 17:23

Ĩmepo'ẽ heipeva: “Kõõ ẽẽ, maĩrã hoka'ẽ” tẽvã, avy pekua hipii reta.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Mateo 4:17

Haivivaĩ Jesús õñepỹrõ ñimiñeerã, hei: “Peijy Tũpa jykoty, shara huvisha vasu vate arapy'õ ryheva kõõĩma'ẽ”.

Apocalipsis 1:3

Vy'apo mbijetava Tũpa ĩñee hareka henduvare ko ñee iko verã, hareka japova, shara vãhẽmapo ara iko verãpe.

Juan 8:24

Hãme rãnga haipeje pymanopo mbai porãmba pijapo vekuapy. Shara pyrojãã She haiñoĩvarã, pymanopokui mbai porãmba pijapo vekuapy.

Juan 5:43

She rãnga ai Sheru heepe, tẽvã shymyvãhẽãpi; hãrã ĩme'ẽ ijuhuvii ouvarã, ĩmerã pymyvãhẽposhu haikui.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Lucas 21:7

Hãrã pyrãndushu reta heireta: “Pyrỹmboi'ia, mbaiperapo ikokui kovare? Hãrãra mbaiva mbai heshaha verã ẽpokui kova mãĩnũnga ikoma potãrã?”

Lucas 21:9

Pyhendupo ñyrãrõ vasu iko hareka pũã ijehevarã; avy pykyje. Shara kova reta hai tynonde iko verã, tẽvã vahẽateripo japy verãpe.

Juan 8:28

Hãrã Jesús heishu reta: She, Kuareta tay rãĩmi ai vekua ko yvy'ĩãrẽ shiñonomapi kurusurerã, pikuaapokui “She haiñoĩvarã”, hareka she ajapoã maĩnunga shijuhuvi; kõñeĩ ambeu Sheru shymboihe vekua.

1 Corintios 6:9

Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,