Lucas 21:37 - NandevaBiblia

³⁷ Jesús arapeave pyrỹmboi tũpao pe; tẽvã pynturã õhẽ oho yvyturusu Olivo he'iashuape.

Lucas 21:37 Referans Kwoze

Lucas 22:39

Haivi Jesús õhẽ oho yvyturusu Olivo he'iashuape hai ohoñõĩ'õpe, hãrã mboireare jyraha jyve hipi.

Marcos 11:19

Ka'arumajyrã õhẽ reta hokava tentaivi.

Mateo 26:55

Hãrã Jesús heishu kuaretare: Marã'ĩrãra kyse puku hareka yvyra ryheve pei shypysy verã, manarõ'ia rãĩmi. Opa ara rãnga avapy pynymbyteipi tũpaope apyrỹmboirã, tẽvã mbairãmba shymby peresopiva.

Mateo 21:17

Hãrã ma'ẽĩhe retarã, õhẽ oho tenta Betania kyty, hareka hoka pyhare haipe pyta.

Mateo 21:1

Jesús hareka mboireare hãndi vãhẽserima jyraha Jerusalenperã, vãhẽ tenta Betfage yvy olivo heta'õpe. Haivi Jesús mondo mokue mboireare hỹnonderã.

Hechos 1:12

Haivi oujy reta Jerusalenpe ñana Olivo he'iashuvaivi pytashia 1 kilometro hoka tentaivi, haipeveĩ Israelitare katu oho putu'uava jy'ara ẽrã.

Juan 12:1

Hãrã 6 aravape ndeiteri vãhẽ arete Pascua verã, Jesús oho Betaniape Lazaro iko'iape hai mynguerajy vekua manovare mbyteivi.

Lucas 19:37

Kõõma oho vejy'ova yvyturusu Olivo kytyrã, opaite mboireare vy'ape sapuke hareka pyraheshu reta Tũpa, opava mbaikavi heshaha verã japo'i vekua rehe,

Marcos 11:12

Pareemajyrã, õhẽma reta Betaniaivirã, Jesús ñandu ñymbahy.

Mateo 26:30

Opa pyrahe pente mbyraherã, ohojy reta Olivore yvuturusukyty.

Marcos 14:49

Opa ara rãnga'ãĩ pynymbytepe apyrỹmboi tũpaope, tẽvã shypysyãpi. Tẽvã kova jehu hekope kavi iko verã Tũpa ĩñeepe heiva.

Lucas 19:29

Vãhẽserima Betfage hareka Betaniaperã, yvyturusu Olivo he'iashuva jykoty, mondo mokue mboireare,

Lucas 19:47

Hãma opa arape Jesús pyrỹmboi tũpao pe; haivi pai juhuvishare hareka Moisés mbypara vekua pyrỹmboi'iheare, hareka karaire hokava tenta huvishare, hekajyre marãrapo juka reta.

Juan 18:2

Judas, pysyka verã kuaa kavi jyve hokava ñana'õmi, shara haipeñoĩ Jesús mboireare ñymbatyse hãndi.