27 Haipe heshapo reta kuareta Tay oujyma ãvãpỹtupyrã mbaikatukuepy hareka tivisha hĩmbipekue ryheve.
Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.
Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.
Hãrã ijyheshapo kuareta Tay oujy avãpỹntupyrã, mbaikatukue hareka hĩmbipekue ryheve.
Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.
Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.
Hareka amaĩjy, ahesha pente ãvãpyntu tĩĩva hareka ãvãpyntu ĩãrẽ vapy'ẽ ovava kuareta Hĩnjapo, ĩmereva ñakare pente tankare ñonoava verava, hareka ipopere kyse japava haĩmbeva.
Kuaretare opapo pyamano kyjekueivi, pya mbijeta ñynoĩ kova mbai yvy'ĩãrẽ ou verã; shara ara vatepy'õre imbaretekue opapo õmỹ.