19 Tãtãkatu peĩrã, peojepepokui.
Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.
Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.
Shara pikuaa kavi porãmba pyhasapeĩ pirojakueperã, ĩmevepopyre ñyhãrõkuaa.
Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.
Ha'ẽã kovaĩ, javya jyve jyhasa'asype, shara jaikua kova verupo ñande ñyhãrokuaa,
Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.
Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.
Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.
Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.
Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.
Tẽvã tãtangatu ẽẽva japypeve, ohojepepokui.
She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.
Abraham pyareheimba'i hãrõrerã, hãrã Tũpa hipitykashu hai heishua meẽshu verã.
Ñandeja Jesús tikuaaka kavivepe pyhaihu verã yngare, Tũpa ñandyraihuva rãĩmi hareka tymeẽpe jyhaihu jyhasa'asy opa pijepykavihe verã.
Tẽvã ñaharõñaĩ jaheshambavarã, ñyhãrõkuape ñahãrõ.
Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.
Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.
hareka ñyharõkuaa rupiipo ñanymbyhaikaviha hareka ñahekavirã hokava meẽ ñande ñyhãrõkaviva.
Piñyhãã katu hokava ñyhãrõkuaa pyndyraha verã hekope kavi'õpe; opakavi pẽĩvape hareka mbaimba pikotẽvẽheape.
hareka arãndukuepy, katu ijijokova ryheve, ijijokova ñyharõkuaa ryheve, hareka ñyharõkuapy tykove mbijicheava Tũpa pevarã;
