Lucas 20:36 - NandevaBiblia

³⁶ shara hykove japyvẽãmapo, Tũpa jokuevare rãĩmimapo hareka Tũpa tay hareka tajy rãĩmimapo, shara Tũpa opa mynguerajyshu reta.

Lucas 20:36 Referans Kwoze

Apocalipsis 21:4

Tũpa opapo joheshi sayre, ẽẽveãmapo ñymano, mbairãmba hykũaĩ ñymbairasyjy verã, maĩrã jaheojy, hareka mbai hasyvamba ñandujy verã, shara arykai'ẽ vekua mba'etyma”.

Filipenses 3:21

Hai ñono kavipojy ñandyretepy hai hete hĩmbipekue rãĩmi ñymbaikatu rupii, opa ipope'ẽ opa mbaire.

Mateo 22:30

Mba'erã manovare puãjymarã, kuimbai hareka taupe omendaveãmapo ijehe. Ikoposhi reta, Tũpa jokuevare vate arapy'õre rãĩmi.

Apocalipsis 20:6

Vyapo reta heko kyamba ñytynonde hykovejy verãre. Ñymano mokuehea jepyveãmapohe reta, koñeĩ pai ruvisha Tũpa ryhevaĩmapo hareka Cristo, hãrã mburuvisharãpo'ẽ hãndi 1.000 ãño.

1 Corintios 15:42

Kyrãpojy vekui mano vekuare opa kuerajyrã; ñotỹha pente tyrete opa ñymbai verãpe, tẽvã kuerajypokui tyrete manoveãma verã ryheve.

Apocalipsis 22:9

Tẽvã hai heishe: “Avy japo hoka! Emombai Tũpa shara she hai jokuearea nde rãĩmiva, hareka ndyryvy Tũpa ĩñee mbeu'iare, hareka opaite Tũpa ĩñee kova kuatiape'õ hendu hareka japovare”.

1 Corintios 15:26

Tyvaisho koñemahea õhũndi verã hai, ñymano.

Marcos 12:25

Manovare kuerajymarã, kuimbai hareka taupe omendaveamapokui. Shara ikoposhi Tũpa jokuevare rãĩmi vate arapy.

1 Corintios 15:49

Kyrã ñande ñandy'ova kuimbai yvyivi japoha vekua, kyrãpo ñandy'ova jyvekui hokava kuimbai vate arape'õ.

Romano 8:16

Hãrã Espiritu kuaaka ñande ñandypyape ñande haimava Tũpa tayre.