Lucas 19:13 - NandevaBiblia

¹³ Hãrã ohoserimarã, hẽno 10 jokuehareirea hareka meẽshu 10 kyrypoti, mymba'apoka verã, hãrã heishu: “Pymymba'apokakui kova kyrypoti aijypeve”.

Lucas 19:13 Referans Kwoze

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Mateo 25:16

Ko jokueharea 5 mil nikere ĩmere vekua, mymba'apoka hareka 50 mil kyrypoti hipityjyshu.

Mateo 25:20

Tynonde vãhẽ ou 50 mil mẽ'ẽashu vekua haipe meẽjyshu 50 mil ĩãrẽve hãrã hei: “Sheja, 50 mil rãnga rỹmeẽ she, hãmã ko'ẽ, aru 50 mil ĩãrẽve amimoñajyva”.

Mateo 25:22

Haivi ou jokuea rea 20 mil ĩmere vekua hãrã hei: “Sheja, 20 mil rãnga rỹmeẽ she, hãma arujynde 20 mil ĩãrẽve amimoñajyva”.

Mateo 25:24

Haivi vãhẽ ou jokuearea 10 mil me'ẽãshu vekua, hei pyrokue'iape: “Sheja, she rãnga aikuaa nde hai kuimbai heko pyatãtava, rỹmynõõ rĩñotymbape hareka rỹmbaty rỹmomohẽmbaipi.

Lucas 19:12

Hãma hei: Ĩmemba'ẽ pente kuimbai mbai vasuva mbyry ohova ynga tenta kyty, mbyheaa verã huvisha vasurã, hãrã oujypo.

Lucas 19:14

Tẽvã henta ĩrũre heshatãã, hãrã mondo reta hai haykue heihe verãre: “Potahãã kova ururuvisharã”.