Lucas 18:12 - NandevaBiblia

¹² She karumba ryheva ajapoñoĩ mõkue ara pente semanape, hareka ameẽ diez'õvaivi pente opaite apityvaivi.

Lucas 18:12 Referans Kwoze

Lucas 11:42

Tengapope fariseore! Pymeẽva Tũpa ña'ãpova diesmo, menta, hareka ruda ryheva, hãndi opaite tĩmĩtykue; tẽvã pimbijiche hekope kavi'õ hareka Tũpa jyhaihukue. Hoka'ẽhai pijapo verã, pymeẽñoĩpo diesmo, tẽvã pypyryhaihupo hareka pyndyreko kavipo.

Mateo 9:14

Haipe Juan Bautista mboireare ou Jesús ẽvãpe, hãrã pyrãndushu: “Ore hareka fariseore karumbape ikoha, marã'ĩrãra rỹmboiryreare japoã hai reta?”

Lucas 17:10

Kyrãpo jyve pee, opa pijapo Tũpa japokapevarã, perepo: “Jokuehareirea mba'erãmba'ia rãnga ore; shara japoa verãĩ japoha”.

1 Timoteo 4:8

Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

Mateo 6:1

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Efesios 2:9

Ha'eã rãnga penteva mbai japova rupii, hãrã mbaveãpo ha'ei ñymbyvate hei ha'ĩ ohojepeva.

Galatas 1:14

Judiore japova ajapo airã, ajapoveshi shyrẽta ĩrũre aivache hãndiare, ajema aingarekotehe ajapo verã sherure pyrỹmboiva rãĩmi.

1 Corintios 1:29

Hãme mbaveãpo Tũpa hỹnonde, ĩmere ñymbyvatehe verã.

Romano 3:27

Tũpa hỹnonde, mba'etyjare maĩnunga jairoja jai ñandijehe verã, shany Tũpa heima ñande, shara jairojahe Jesucristo, hareka ha'ẽã jajapo Moisés mbypara vekuarã.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Mateo 6:5

Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Mateo 5:20

She hai pee, pijapo kaviãã fariseore hareka Moisés mbypara vekua pyrỹmboi'ihea hekope kaviva ryhevarã, picheãpokui huvisha vasu vate arapy'õ ẽvãpe.