Lucas 16:23 - NandevaBiblia

²³ Hãma manovare ẽvãpe iko katuva õĩ asymarã mãĩ vate, mbyryivi hesha Abraham hareka Lázaro hãndi;

Lucas 16:23 Referans Kwoze

2 Pedro 2:4

Shara Tũpa hejareiãmba arykai hai jokuevare porãmba japorã, koñeĩ mombombashu reta tata vasupe. Haipe hejashu reta pyntuvape ñapintĩhavape hareka natuha verãre ara Tũpa jahe pyryrehe verãpe.

Lucas 16:28

ĩme'are 5 shyryvyre, tymbeuveshu reta mahẽ haire oujyvekui ko hasaha'asy'õpe”.

Mateo 23:33

Pee mboi rayre! Marãrapo peho jepeshikui ñunũpa tata vasuivi?

Mateo 18:9

Hãma ndyresa hai ndyraha'i mbai porãmba kytyrã, heky hareka mombo mbyry; haikavivepo nde riche tykove opambape pente ndyresa ryheve, mãhẽ nymombohakui mokue ndyresa ryheve tata vasupe.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.

Lucas 8:28

Heshama Jesús perã iñesu hỹnonderã sapuke: Jesús, Tũpa vateve õ Ray, mbaivara nde imẽryre shendie? Airure nde avy jahe shyrehe.

Mateo 5:29

Ndyresa ndakata kyty'õ ndirity mbai porãmbaperã; nohẽ mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

1 Corintios 15:55

Nde ñymanokue, mapera'ẽ nupu'ũcha? Nde ñymanokue, mapera'ẽ nypyrãtãkue?

Mateo 11:23

Nde tenta Capernaumpe'õ, rimoãra ndurupiha jyve vate arapy? Mba'ety, nymombohapokui Ãña ẽvãpe. Shara tenta Sodomape kova mbaikavi heshaha verã japoha ndyreherã, ã'ẽpeve hokava tenta ĩmeĩtẽ'ẽ verã.

Mateo 8:29

Mbai poshyre hỹnatu sapuke jyrerã hei: Mbaivara ripota yryhevi Jesús, Tũpa Tay? Reira rivare yryrehe ara ndeiteri japyva?

Lucas 16:24

hãrã sapukerã hei: “Sheru Abraham, shyparekomĩtẽ, mbou Lázaro tymaky ipo ĩtimi yype vỹry'ỹsã verã shẽku; porã'ãĩte rãnga ãĩ ko tata hẽndype”.