Lucas 16:19 - NandevaBiblia

¹⁹ Ĩmemba'ẽ pente kuimbai iko katuva, mondeava hepyva monde'ia hareka opa'ara japova karu vasu.

Lucas 16:19 Referans Kwoze

Apocalipsis 18:16

Tenga, tengapo, nde tenta ojaimbava hareka nypyrãtava! Rĩmimonderiva mondeava pyrẽrẽrĩvapy, mondeava pyntahũũva hareka pyntateiva, rĩmymashyãva oropy, ita mashyãva hareka perla.

Apocalipsis 18:7

Hai rãnga jyroja'ijehe hareka pya ohohe haikavivape iko verã; hãme ã'ẽ pymbyhasa'asyveshu hareka tijaheo. Shara hai pyape hei: “Kope avapy ãĩ huvisha vasu rãĩmi. Ha'ẽãshe ĩme manoshia hareka ahasa'asyãvãĩpojy”.

Apocalipsis 17:4

Hokava taupe mondere pyntahũva hareka pyntateiva. Ĩmere ita vera ijuva, ita mashyãvare hareka jyve perla hepyva mondevare hareka hetere. Ipope copa vera ijuva tynyhẽ'õ maĩnunga porãmba vekuare hareka kyava kyrãrãĩ'ipya.

Lucas 16:1

Jesús heishu mboireare: Ĩmemba'ẽ pente kuimbai iko katuva, ĩmerejy pente jokuerea mbai ñyngareko'iheshua. Mbe'uashu porãã opa pory mbai hetava ñyngareko'ẽhea.

Marcos 15:17

Hãma Jesús hetere ñonoha mondeava pỹtãva, hareka ñonohã ñakare pente juu ñopeãva.

Lucas 15:13

Mbovy aramajyrã tay ndeiveva opa mbaty ĩmerearã mbyry oho, ynga yvype; haipe oho iko'i kuaã japoite verã japo'i porãmba ijyjokombape opa pory hai imere vekuami.

Marcos 15:20

Hetama Jesús ñymbyhoryhe retarã, hekyjyshi reta mondeava pỹntava, hãrã ha'ei mondeva mỹmondekajy retarã, nohẽ reta katoape raha mbysavava verã kurusure.

Lucas 16:18

Ĩme'ẽ pente kuimbai hyreko poishia omendajyhe yngava tauperã, ynga jyrekomava pokojyhe, shara haimba hyrekova iko'i hãndi; hareka taupe poiashia rekojya, ynga jyrekomava pokojyhe, shara haimba hyrekova iko'i hãndi.

Lucas 16:20

Ĩmemba'ẽ jyve pente pavete'ia Lázaro he'iashua, opa kuruva. Ou vapy'i yvype iko katuva hõchepe;