Lucas 15:24 - NandevaBiblia

²⁴ Shara ko shyray manoma vekua, ã'ẽ hykovejy; kañytẽ vekua, ñavãhẽjyshu”. Hãrã õñepyrõ vy'a reta.

Lucas 15:24 Referans Kwoze

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

Lucas 19:10

Shara Kuareta Tay ou heka hareka mondojepe verã kañy vekuare.

Efesios 2:1

Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,

Lucas 15:4

Ĩme'ẽ pynymbytepe ĩmerea 100 avisharã pente kañyshirã, hejaãra ñuũpe 99, oho heka verã kañyva heshajy peve?

Lucas 15:32

Haikavi rãnga javya pãveĩterã hareka ñandyrory, shara ko ndyryvy manomatẽ vekua, tẽvã hykovejy; kañytẽ vekua, hareka ã'ẽ heshahajy”.

Romano 6:11

Kyrãipo jyvepe pikopo pymanomava rãĩmi mbai porãmba pevarã, tẽvã pimeĩpirã hai Tũpa pevarã Cristo Jesús piñymypente hãndiva rupii.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Romano 12:15

Pyvy'a hãndi vya'õre hareka jaheo'õre pijaheo hãndi.

Juan 11:25

Haipe Jesús heishu Marta: She hai manovare mynguerajy'ia, hareka tykove. Shyrehe jyrojava, ajemaĩpo mano kuerajyñoĩpo.

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

1 Corintios 12:26

Pente hai ryheva hasa'asy'ẽrã, opaiteva yngavare hasa'asy jyve. Penteva ñandyrete ryheva ñyngarekoha kaviherã, opaite ĩrũre vya hãndi.

1 Timoteo 5:6

Tẽvã taupe ĩme manoshia vya verãĩ pya mbijetaherã, manoma hykove ryheve.

Romano 11:15

Shara Tũpa Judiore mbijicheape, he'ise opaite yvy jerekue Tũpa ñymbeujyshuva, mbaivara he'isepo Judiore myvãheãjyshurã? He'iserapo haire ĩmerapore reta tykove, shara aryka'e manova rãĩmi jyre.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Marcos 8:22

Jesús hareka mboireare vãhẽ jyraha Betsaidape, haipe veruashu pente kuimbai heshamba kũvãĩpia, jurure jyreshu Jesús pokohe verã.

Apocalipsis 3:1

Mbypara jyveshu Tũpa jokueva tũpao Sardispe'õ: Kyrã hei 7 Tũpa Espiritu ĩmerea hareka 7 jasytata: She aikuaa rijapo vekua hareka aikuaa jyve rỹmanorã ajemaĩ oparupi nymbe'uha rĩmeĩteririva.

Judas 1:12

Kova hai ñanymymarãva karuvasu pijapova piroja handivare, ñymbyu hareka karu reta mbaimba kuaaseva. Ha'eire ñyngareko ijehe. Ova ãvãpyntu jy'yymbava, yvytu kokoty rahava; ova yvyra jy'arapemba'iava, hapo ryheve nohẽãrã opa jipi.

Lucas 10:19

She ameẽ pee mbaikatu pypyrõhe verã mboi hareka vãkyrãpere, hareka pijepyhe verã pyndyresha tamba'iare ñymbaikatu, mbaimbaa japo pyndyrehevape.

Mateo 8:22

Tẽvã Jesús heishu: Ei shimĩ'ĩrũ, ma'ẽĩhe manovare tiñoty reta hapisha manova.

Lucas 9:60

Jesús heishu: Ma'ẽĩhe manovare tiñoty hoka manova; tẽvã nde ekua mbeu ñee Tũpa ẽvãpe'õ ryheva.

Lucas 15:23

Hareka peru toro ray kyraveva, pijuka, jakaru hareka javy'a!

Lucas 15:25

Hãrã tay tynondeva ĩme'ẽ ñuupe; hãrã vãhẽjyma ou henta hyvacherã, hendu mbi'ipuha'õ hareka jyroky'õre;