Lucas 12:5 - NandevaBiblia

⁵ Ambeupo pee mbavaivirapo pykyje: Pykyjeshi katu hekyva pyndykove, haivi rekova mbaikatu piririty verã tata vasupe; She hai pee, pykyjeshi hokava.

Lucas 12:5 Referans Kwoze

2 Pedro 2:4

Shara Tũpa hejareiãmba arykai hai jokuevare porãmba japorã, koñeĩ mombombashu reta tata vasupe. Haipe hejashu reta pyntuvape ñapintĩhavape hareka natuha verãre ara Tũpa jahe pyryrehe verãpe.

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Apocalipsis 14:7

Sapukerã hei: Pykyjeshi Tũpa hareka pemombai, shara vãhẽma ara hai pirĩmbivache verã hareka pemombaishu japova ara vate'õ, yvy hareka yy'vasu hareka yy õhẽ'õre.

Hebreos 10:31

Mbai kyjehashia rãngapo Tũpa hykove'ia ipope ja'arã.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.

1 Tesalonicenses 4:6

Avy mbava kova mbai rehe tijapo mbai porãmba hareka tymbytavy hapisha, shara Ñandeja purũnũpa kova mbai rehe, pyndyrykyjehava rãĩmi.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Marcos 13:23

Hãrã pingareko katu pẽĩ, ambeu'ãĩpe kova mbai ndeiteri ikorã.