Lucas 11:41 - NandevaBiblia

⁴¹ Hãma pymeẽ pã'ãpova mba'etyrea retape, hãrã ky'ãpo'ẽkui pyndypya.

Lucas 11:41 Referans Kwoze

Lucas 12:33

Pevende opaite ĩmepyreva, hãrã pymeẽ mãĩnũnga mba'etyreape; peñehããhẽ vosa soro mbava, jaishu, mbai hetava ara vate'õpe, manarõ'ia ichemba verãpe, hareka kupii houmba verãpe.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.

Tito 1:15

Heko kyambava pevarã opava ky'ãshu hai, katynga heko kyava hareka rojambare pevarã mba'etyshu hai kyambava. Mbai kya vekuaĩ ñakapyre hareka pyape.

Hebreos 13:16

Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

Hechos 10:15

Haipe ijeta'ẽshua heijyshu: Pedro, kova mymbare She opama ajohe, avy ereshu “kyava”.

Lucas 16:9

Hãrã hai pee: Pory kyrypoti ko hekopembaa ĩmeryreva rymbyheta verã rĩmi'ĩrũ verã. Haivi, kyrã opama pyhevi hokava kyrypotirã, Tũpa hareka jokuereare nymyvãhẽpo pente oo vate arape'õ opa ara pevarã.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

2 Corintios 8:12

Hãma kyrẽỹ meẽva, myvãhẽha kaviposhu vy'ape meẽrã, shara Tũpa jurureã ñande mba'etyjarea ñameẽ verã.

Lucas 19:8

Tẽvã Zakeo ñymboyrã, heishu Ñandeja: Ã'ẽ kope, Sheja, ambijaopo ĩme'arevare mbyteipi ameẽposhu pavete'iare, hareka ĩme'ẽ mbava ahekyreiishi vekuarã, urũndypo ĩãrẽve ameẽjyshukui.

Lucas 18:22

Jesús hendu hokavarã heishu: Pente mbai, mba'etyteri nde; opa evende ĩmeryreare haivi hepykue memeẽshu pavete'iare, hãmerãpo ripitykui rikokatu verãpe vate arapy. Haivi ei shimĩ'ĩrũ.

Mateo 5:42

Ĩme'ẽ maĩnunga jururendevarã, meẽshu, maĩnunga pota pory ndyheviva, porykashu.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

Hechos 11:29

Hãrã opaite Jesús mboireare mambaty verã pepenteĩ ĩmereamire, mboryshu verã ñandyryvyre Judeaipi iko'iare.

Mateo 26:11

Pavetevare ĩmeñoĩpo pynymbyteipi, tẽvã she ha'ẽã ãĩmeñoĩ verã pyndyvache.

Hechos 24:17

Heta ãño aiko mamaĩpi, haivi aijy shyrẽntape ameẽ verã maĩnunga shyrẽnta'ĩrũ retape hareka ambishaka verã Tũpa pevarã.

Marcos 7:19

Shara icheã pyape, hyepẽĩ vãhẽrã haivĩma õhẽjyshi. Kyrã Jesús heirã he'isema opaite ho'uavare kyambava.