Lucas 11:4 - NandevaBiblia

⁴ Hejareii yryhevi mbai porãmba japoa vekua, shara ore hejareii jyveshi mbai porãmba japo yryrehevare. Avy ma'ẽĩhe to'aha yrypya ãhã verãpe, yryrekyshi mbai porãmbava”.

Lucas 11:4 Referans Kwoze

Mateo 26:41

Pysareko rãngapo avy peche hareka pirure, mahẽ peakui mbai porãmbape. Aikuaa pynykyrẽytẽ mbai haikaviva pijaporã, tẽvã pyndyroo kãngy.

Colosenses 3:13

Pyma'ẽĩ pijehe, pyhejareii ijuhuvi ĩme'ẽ yngava hapishare poshyshuarã. Kyrã Tũpa hejareii pyheviva rãĩmi pyhejareii ijuhuvi.

Mateo 18:35

Hãrã Jesús hei: Kyrã jyve Sheru arapy'õ japopo pyndyrehe pepenteĩ, pãtẽỹ pyhejareiishi pyndypyaivive papisharã.

Santiago 2:13

Pyryparekombavare, mbivachehakapo parekohambape, tẽvã pyryparekova hasa kaviposhi ara pirĩmbivacheha verãĩvi.

2 Timoteo 4:18

Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.

2 Tesalonicenses 3:3

Tẽvã Ñandeja hekokavi, hai ñyngareko pyndyrehe verã opaite mbai porãmbaivi, shara hai opañoĩpo japo heiva.

1 Corintios 10:13

Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.

Juan 17:15

Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.

Lucas 22:46

hãrã heishu reta: Marã'ĩrãra pechepẽĩ? Pupũã hareka pirure rãngapo, potãã pypya hã'ãrã.

Lucas 8:13

Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Lucas 11:5

Jesús heijyshu reta: Ñañonoshu peeva, pente ĩmere ñi'ĩrũrãrea, pyhare mbytepe oho hentape heishu: “Shi'ĩrũ, porykaveshe mbahapy pãhã,

Lucas 13:4

Pimoãra 18 mano vekua Siloeivi mimbo'yhava jopy vekuare, heko porã'ãĩteveva yngare Jerusalénpe'ia retaivi?