Lucas 10:22 - NandevaBiblia

²² Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

Lucas 10:22 Referans Kwoze

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 10:15

Sheru shykuaa kavi, hãrã she aikuaa kavi jyveshu Sheru. Kyrãĩ aikuaa kavi jyve shy'avishare; hãrã haire shykuaa kavi jyve hareka she añono shyrykove shy'avisha retare.

2 Juan 1:9

Ĩme'ẽ Cristo pyrỹmboiva rãĩmi õhẽshivarã mba'etyre Tũpa; tẽvã ikova heiva rãĩmi ĩmere Tuu hareka Tay.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Juan 17:26

She aikuaakashu reta mbavara nde, hareka aikuaakave teriposhu reta, jyhaihu ĩmeryre shyreva ẽhe verãre, hareka she hai retare ãĩjyve.

Juan 17:2

Nde rãnga opa rĩñono kuaretare Ndyray ipope, meẽshu verã tykove opambava opaite jyrojaheare, hareka rymeẽshu vekuare.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Juan 3:35

Tũpa rãnga haihu Tay, hãrã opa mba'e ñono hai ipope.

Hebreos 2:8

Opa mbai rĩñono ipy'ipe. Tũpa opa ñono hai iperã, hãrã mba'ety maĩnunga ẽẽmbahea. Tẽvã jaheshããteri opa maĩnunga ñonohava hai ipope.

Efesios 1:21

hokava mbaikatupy, Tũpa opa meẽshu Cristo opaite mbaikatu espiritupy opaite ĩmereva, hareka opaite mburuvisha, hareka opaite õĩva ko yvy jerekuepy hareka py'ahu ou verã.

1 Corintios 15:24

Haivipo ou ara japyma verãpe, Cristo opama õhũndi mburuvisha vasure, mbaikatu ĩmereare hareka pyrãtãkue, opa ñono verã Teru ipope, Tũpa ẽvãpe.

Juan 17:10

Opaite ĩme'arevare hai jyve na'ãpova, hareka ĩmeryreare hai jyve sha'ãpova; haire rupii heshaha she vateve ãĩva.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.