Juan 9:34 - NandevaBiblia

³⁴ Haipe haire heishu: Nde rearãvãĩ nytynyhẽ vekua mbai porãmba. Potara rei ỹrỹmboirẽĩ? Hãrã mohẽ reta Judiore ñymbatyseaivi.

Juan 9:34 Referans Kwoze

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Juan 9:2

Mboireare pyrãndushu Jesús: Pyrỹmboi'ia, marã'ĩrãra ko kuimbai oarãvãĩ heshãã kũvãĩpi? Tuure mbai porãmba japo jyrerãra, maĩrã, ha'i mbai porãmba japo'irãra?

Lucas 18:17

Añeteva hai pee, Tũpa jyrojambahea pente sanjay japova rãĩmi, ha'ẽã iche verã Tũpa ẽvãpe.

Apocalipsis 13:17

Mba'etypo mba'ovava maĩrã mavendeva mba'etyre heshahe verãrã, jaishu mymba ñarõva hee maĩrã jypapa ryheva.

3 Juan 1:9

Ambyparama kuatia ñandyryvy Cristo ryheva retape, tẽvã Diotrefe potañoĩ huvisharã'ia, pya ohoãhe he'iava.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Galatas 2:15

Ñande rãnga hai Judiore jaarãvaĩ, ha'eã mbai porãmba japo'ia hareka haimba Judiore rãĩmi.

1 Corintios 5:13

shara heiva rãĩmi mbyparahavape: Pymohẽ pynymbyteivi mbai porãmba japoteri'ia.

Juan 9:40

Fariseore haipe'ẽ hãndivare hendu reta kovarã pyrãndushu Jesús: Orera ha'ẽĩ jyve kũvãĩpi heshambava?

Juan 9:35

Jesús kuaama kuimbai heshamba kũvãĩpi vekua mohẽã Judiore ñymbatyseaivirã; hesharã heishu: Rirojarahe kuareta Tay?

Juan 8:41

Tẽvã peru japova rãĩmikati pijapo jyve. Haire heishu Jesús: Ore ha'ẽã ĩmerãẽã tay, penteĩ rãnga'ẽ yreru, hai Tũpa.

Juan 6:37

Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Lucas 14:11

Hãma ha'ẽĩ vateve iñiñono'ia, mimishĩãpokui; hãrã oñemomishĩĩ'iapo, vateve ñonohakui.

Lucas 11:45

Haipe Moisés mbypara vekua pyrỹmboi'ihea heishu: Pyrỹmboi'ia, ko rereva rãnga yrỹmymãrãka jyve.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

3 Juan 1:10

Kova rehe, ahama apohyperã, amymandu'akapohekui maĩnunga japo vekuare rehe, hareka ñee porãmbavare hei'i yryreheva. Hokava ĩãrẽ, hai hentape myvãhẽãjy ñandyryvyre, Jesucristo hee mbeu'iare hareka potãã mbava myvãhẽ jyveshu reta, potatẽ mboryshuvare opa mohẽ tũpaovi.