Juan 9:22 - NandevaBiblia

²² Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Juan 9:22 Referans Kwoze

Juan 16:2

Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Juan 7:13

Tẽvã mba'etymba ijetaiteheva, shara kyjeshi reta Judiore juhuvisha.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Juan 9:34

Haipe haire heishu: Nde rearãvãĩ nytynyhẽ vekua mbai porãmba. Potara rei ỹrỹmboirẽĩ? Hãrã mohẽ reta Judiore ñymbatyseaivi.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Hechos 5:40

Hãrã opa iñiñono hãndi reta pente ñeepe hẽnoka Apostolre hãrã opa nupaka reta vakapiperã hei jyvyĩshu reta ỹnteñoma ñimiñee verãre Jesús heepe. Hãrã poijyshi reta.

Hechos 5:13

Mbavẽã ynga retava kyrẽy jihia tẽvã ijeta kavihe reta.

Hechos 4:18

Haipe hẽno retarã heishu reta, ỹnteñoma ijeta verãre hareka pyrỹmboihe verã Jesús heepe.

Juan 20:19

Hokava Domingo arape pỹnturã, Jesús mboireare ñymbaty reta. Haipe õche mboty reta shara kyje jyreshi Judio juhuvishare. Haivi Jesús ou haire mbyteperã, marãndushu retarã hei: Pyndypya kaviteño!

Juan 19:38

Kova mbai opamarã, José tenta Arimateape'õ, jurureshu Pilato mbyvejy verã kurusuivi Jesús hetekue. José jyve Jesús mboirea ñemiapeĩ iko'i jyve haykue, shara kyjete'ishi Judiore. Pilato meẽmashurã, José oho raha Jesús hetekue.

Juan 1:19

Kova hai Juan mbeuva, Judiore juhuvisha Jerusalenpe'õre mondo pai ruvishare hareka Levitare hai ẽvãperã, pyrãndushu verãre haira mbava jyve.

Juan 9:18

Tẽvã Judiore juhuvishare rojããjyre kuimbai heshamba kũvãĩpia hareka ã'ẽ kueramava. Hãrã hẽnoka reta myngueraha vekua tuu hareka ishy.

Juan 9:21

Tẽvã kuahãã marãra ã'ẽ heshajy hareka mbavara mynguera. Pypyrãndushupe, hai rãnga sanjayveama hareka katuma ijeta ijehe.

Juan 9:35

Jesús kuaama kuimbai heshamba kũvãĩpi vekua mohẽã Judiore ñymbatyseaivirã; hesharã heishu: Rirojarahe kuareta Tay?