51 She añeteva hai pee; shiñee japova, manoveãmapo.
Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.
Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.
Kova hai pãhã ouva vate araivi, hãrã hokava houvare manovẽãmapo.
Espiritu Santo kuaakashu manombateri verã Cristo Ñandeja ndeiteri hesharã.
Enoc jyrojakue rupii rahaha ko yvy jerekueivi ndeiteri hasa ñymanorã, heshahãã shara Tũpa rahashu, tẽvã ndeiteri rahaarã, opaite kuaa reta hai mbyvyashuva Tũpa.
Tẽvã pee pikuããshu, tẽvã she aikuaashu; hãrã she hai aikuambashuarã, shapupo jyve pee rãĩmi. Tẽvã aikuaa kavishu, hareka ajapo hai ĩñee.
Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.
Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.
Haipe Judiore heishu: Ã'ẽ kuaa kavima nde mbaiposhy ĩmeryrerã! Abraham, hareka Tũpa ĩñee mbeu'iare opama mano, hãmera rere ore: “Shiñee japova, manoveamapo”.
Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.
Opaiteva nde rỹmeẽshe vekua kuaretare mbyteivi aikuaakashu reta mbavara nde. Hai reta rãnga na'ãpo vekuare hãrã rỹmeẽshe, hãme rãnga haire japo niñee.
Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.
