Juan 8:28 - NandevaBiblia

²⁸ Hãrã Jesús heishu reta: She, Kuareta tay rãĩmi ai vekua ko yvy'ĩãrẽ shiñonomapi kurusurerã, pikuaapokui “She haiñoĩvarã”, hareka she ajapoã maĩnunga shijuhuvi; kõñeĩ ambeu Sheru shymboihe vekua.

Juan 8:28 Referans Kwoze

Juan 5:30

She, shijuhuvii katuãã mbai ajapo. She ajahe pyryrehe Tũpa heisheva rãĩmi, hareka hekope kavipo ajahe pyndyrehe, shara ajapoã she aipotava; koñeĩ Sheru shymbou vekua potavãĩ ajapo.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 6:38

She ai vate araivi ajapo verã shymbou vekua potava, ha'ẽã she aipotavãĩ ajapo verã.

Juan 3:14

Moisés mũpũãva rãĩmi yvy ikoambaipi mboi hã'ãnga bronceivi japoava, kyrãĩpo mũpũ'ãhã jyve kuareta Tay,

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Hechos 4:4

Tẽvã hetamba Ñee hẽnduvekuare rojajy; 5.000 rupiimba rojaitevare, kuimbaire jepeiva.

Hechos 2:41

Kyrã opaite ĩñee henduvare, ñymyngaraika reta. Hoka arape iche jyrojavare mbytepe 3.000 kuareta.

Juan 19:18

Haipe mbysavava reta kurusure, hareka mõkue kuimbai hãndi, pente jasu kyty ñonohã ĩrũ jakata kyty, hãrã Jesús mbytepe ñonohã.

Juan 16:10

heshakaposhu reta mbaivara hai tykove kyambava hape, shara ahapo Sheru ẽvãpe, hãrã pee shyreshaveãmapokui;

Juan 11:42

She aikuaa shyrẽnduñoĩrã, tẽvã kova kuaretare rehe kyrã hainde, roja verãre nde hai shymbouvarã.

Juan 8:24

Hãme rãnga haipeje pymanopo mbai porãmba pijapo vekuapy. Shara pyrojãã She haiñoĩvarã, pymanopokui mbai porãmba pijapo vekuapy.

Juan 3:11

Ãñeteĩte hai nde, ore mbe'uha kuaahava, hareka kuaahakape ore hashahava; tẽvã pee pyrojãã mbe'uhapea.

Mateo 24:5

Shara hetapo'ẽ shyreepe ou heipe verã: 'She hai Cristo', hãrã hetapo'ẽ mbytavyva.

Marcos 13:6

Hetapo ou shyreepe heiva: “She hai Cristo”, hãma hetavapepo mbytavy.

Lucas 21:8

Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.

Juan 4:26

Jesús heishu: Hai rãnga she Mesias, rijetarẽĩ hãndiva.

Juan 8:27

Tẽvã haire kuããmba Jesús Tuu ijetaheshu retarã.

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

Juan 13:19

Ã'ẽvãĩ hai pee ndeiteri ikorã, ikomarã pyroja verã She Ñoĩva.

Juan 18:32

Kyrã iko Jesús hei vekua marãrapo hai manokui.