Juan 8:11 - NandevaBiblia

¹¹ Taupe heishu: Sheja, mba'ety. Haipe Jesús heishu: She jyve aipotã rỹmano. Ekuajyvy ãtẽñoma japokui mbai porãmbava.

Juan 8:11 Referans Kwoze

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

Juan 5:14

Haivi Jesús heshajy kuimbai tũpaoperã heishu: Ã'ẽ rykuerama. Mãĩkavi, ãteñoma japokui mbai porãmbava, mãhẽ jehundekui mbai porãmba'eiteveva.

Juan 8:15

Pee pijeta porããñoĩhe papisha kuaretare pya mbijetava rãĩmi ko yvy'ĩãrẽ. Tẽvã she mbaveã aijeta porããhe.

Lucas 15:7

Kyrã hai pee hetaveva vyapo vate arapy ẽẽ pente heko porãmba oujy Tũpa jykotyrã, 99 heko kavi'ia retaivi ikotẽvẽmba ẽẽ ñymbeujyhaivare.

Lucas 5:32

She aiã aheno heko kavivape, heko porãmba'ia retapei, oujy verãre Tũpa kyty.

Romano 2:4

Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

Lucas 13:3

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

Lucas 15:10

Kyrã vya jyve Tũpa jokuevare pente heko porãmba'ia heja mbai porãmba vekuarã.

Juan 18:36

Haipe Jesús heishu Pilato: She ha'ẽã ko yvy'ĩãrẽ'õ huvishare rãĩmiva. Hai rãĩmi jyve sherã, shyryhevare ñyrãrõte verã potãã shiñonohã Judiore juhuvisha ipoperã. Huvisharã ãĩvape ha'ẽã ko yvy'ĩãrẽ'õ.

Lucas 15:32

Haikavi rãnga javya pãveĩterã hareka ñandyrory, shara ko ndyryvy manomatẽ vekua, tẽvã hykovejy; kañytẽ vekua, hareka ã'ẽ heshahajy”.

Lucas 13:5

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

2 Pedro 3:15

Pynymanduahe, ñyhãrõkuaa Ñandeja ryheva ñandyraha ñymondojepeva kyty, jahaihuva ñandyryvy Pablo mbypara vekua rãĩmi, ãrãndu Tũpa meẽshuva rupii.

1 Corintios 5:12

Ẽẽã she ambivacheka verã haimba Ñandeja ryhevare, Tũpa rãngapo mbivacheshu retakui. Tẽvã peemapo pimbivacheka pyndyryhevare;

Lucas 9:56

She, Kuareta tay rãĩmi ai vekua yvy'ĩãrẽ, aiã aivarehe verã kuaretare, ai ãmondojepe verãĩ rãnga. Haivi jyraha reta ynga tentape.