Juan 7:39 - NandevaBiblia

³⁹ Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Juan 7:39 Referans Kwoze

Hechos 2:17

Tũpa hei: Ara koñymaheape, ãñohẽpokui opaite kuaretare ĩãrẽ she Espiritu, pyndyrayre hareka pyndyrajyre mbeupokui Tũpa ĩñee, kunumire heshapokui mbai heshamba iko verã hareka kuakuavare jypaihupe aijetaposhukui.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Juan 16:7

Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.

Juan 12:16

Jypyiterã mbo'ehareare kũããmba reta mbaivara he'ise kova jehu'õ. Tẽvã Jesús manorã hareka kuerajymarã, manduajyhe reta opaite kova mbai ikova Tũpa ĩñee mbyparahavape heiva rãĩmi opa iko.

Romano 8:9

Tẽvã pee pikoveama pyndyrete potavape, koñeĩ Espiritu potavaima, ĩmepyre Espiritu Tũpa ryhevarã, tẽvã ĩme'ẽ mba'etyreva Espiritu Cristo ryhevarã, ha'eã hai ña'ãpova.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Juan 20:22

Haipe Jesús mboireare peju ĩãrẽrã, heishu: Ameẽpe Espiritu Santo.

Juan 12:23

Jesús heishu reta: Vãhema ora kuareta Tay õmomba'eha verã.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

2 Corintios 3:8

Kyrãmba aryka'e hokava, hãmera Espiritu ryheva japoava hĩmbipeveãrapo hai?

Hechos 4:31

Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.

Hechos 3:13

Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 14:13

Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

Juan 7:12

Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Juan 6:14

Kuaretare heshama Jesús mbaikavi heshaha verã japorã, hei reta: Ãñeteñoĩ rãnga kova hai Tũpa ĩñee mbeu'ia ou verã ko yvy'ĩãrẽ.

Juan 1:33

She aikuãã jyve mbavara hai; tẽvã shymbou vekua apyrỹmyngarai verã yype heishe: “Ryheshama pente kuimbai vejyhe Espiriturã, hokava hai pyrỹmyngaraiva Espiritu Santopy”.

Juan 1:25

Hãrã heishu reta: Akuarã, marã'ĩrãra rypyrỹmyngarai ha'ẽã nde Cristo, Elías, maĩrã Tũpa ĩñee mbeu'iarãme?

Juan 1:21

Haipe pyrãndujyshu reta: Mbavara nde? Ndera hai Tũpa ĩñee mbeu'ia Elías? Juan hei: Ha'ẽã rãnga she. Hykuaĩ pyrãndujyshu reta: Akuarã, ndera hai Tũpa ĩñee mbeu'ia hãrõha'õva? Hai hei: Mba'ety.

Lucas 24:49

Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.

Lucas 7:16

Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Lucas 3:16

tẽvã Juan hei kuareta retape: Ãñeteara she apyrỹmyngarai yype; tẽvã ĩme'ẽ pente ouva shaykue mbaikatu ĩmevere shyheviva, katumba ajorashia jypasa ishãitẽã. Haipo pynymyngaraikui Espiritu Santo hareka tatapy.

Mateo 16:14

Haire heishu: Ĩme'ẽ heiva Juan Bautista, ynga hei Elías hareka ĩme'ẽjy heiva nde hai Jeremias maĩrã arykaiva pente Tũpa ĩñee mbeu'ia.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Mateo 21:11

Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Juan 16:14

Haipo she mombaivasukui, shara pysypo ameẽshu verã hareka kuaakapope.

Juan 17:1

Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Hechos 19:2

hãrã pyrãndushu reta: Me'ẽãra jyvepe Espiritu Santo pirojamarãme? Haire heishu: Henduhãã rãnga'ore ẽẽvã Espiritu Santo.