Juan 7:28 - NandevaBiblia

²⁸ Hokava hendurã, Jesús tũpaope pyrỹmboi'ẽrã hỹnatu hei: Ãñetera pikuaa mbavara she hareka mãĩvira'ai? Tẽvã She shijuhuvireiã'ai; añeteva rãnga shymbou, pikuaambava.

Juan 7:28 Referans Kwoze

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Juan 8:19

Hãrã pyrãndushu reta: Maperã ĩme'ẽ nderu? Jesús heishu reta: Pee shykuããpi, hãrã pikuãã Sheru. Shykuapirã pikuatẽ verã jyve Sheru.

Juan 8:26

Heta mba'e rãnga ĩme'are hai pyndyrehe verã, hareka ahesha pyndyrehe heta mba'e porãã piniñonorã, shymbou vekuany añetevaĩ hei, hãrã she ambeushu kuaretare, hai ĩñee ãhendushi vekua.

Juan 8:14

Jesús heishu reta: Sheeitẽ aijeta shijehevara, añetevaĩ hai. She rãnga aikuaa mãĩvira ai hareka matyra aha. Tẽvã pee pikuãã.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 12:49

She shijuhuvireĩã aijeta, Sheru shymbou vekua meẽshe ñeẽ japoa verã haipo apyrỹmboihe.

Juan 5:43

She rãnga ai Sheru heepe, tẽvã shymyvãhẽãpi; hãrã ĩme'ẽ ijuhuvii ouvarã, ĩmerã pymyvãhẽposhu haikui.

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

Tito 1:2

Ñahãrõ ñaĩva hai tykove opambava. Tũpa japuã, shara Hai heimba aryka'e meẽ ñande verã kova tykove.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 1:18

Tũpa rãnga opa hesha mapeã ore he'iha “ẽẽ” hareka “mba'ety” pente he'iape.

Romano 3:4

Kyrãã rãngapo! Ajemaĩpo kuaretare japu, Tũpa añetevañoĩ hei. Shara Mbyparahavape hei: “Opaitevapo kuaa añetevañoĩ rereva. Hãrã rẽhe kavipo nimbivachehaka'ẽrã”.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Hechos 17:23

Shara pemombai vasuvaipi ahasarã hareka amaĩrã, ahesha pente altarpe pente ñee mbyparahava heiva: “Pente Tũpa kuaambava”. Hoka pikuambava pemombai vasu pyreva, hai rãnga ambeupe.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 16:3

Haire kyrãpo japo, shara shykũãã reta hareka jyve Sheru.

Juan 14:31

tẽvã kyrãñoĩpo jehu kuaretare kuaa verã jyve she ahaihushuva Sheru, hareka ajaposhu hai heisheva. Pupũa, jaha koivi!

Juan 14:10

Ryrojããra Sheru hãndi pentevãĩ orerãme? Kova haipeva ha'ẽã shijuhuvirei haiva, Sheru iko'i shypyapeva rãnga japo.

Juan 10:36

Tũpa shypyhỹrõ hãrã shymbou yvy'ĩãrẽ: Hãmera marã'ĩrã pere, she aijeta porãmbahea, Tũpa Tay she hairãme?

Juan 8:16

Hãrã ajaporã, hekope kavi ajapo, shara sheiã ajapo. Ẽẽ jyve shendie Sheru shymbou vekua.

Juan 5:32

ĩme'ẽ yngava ijeta shyreheva, hareka aikuaa añeteva hai hei shyreheva.

Juan 3:33

Tẽvã ĩme'ẽ rojavarã, my'ãñete Tũpa heiva,

Juan 3:2

Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Juan 1:46

Natanael hei: Katura Nazaretvi õhẽ mbai haikaviva? Felipe heishu: Ei mãĩhese.

Lucas 10:22

Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

Lucas 2:51

Haivi Jesús oujy hãndi reta Nazaret kyty, iko'iape japoshu reta hai heishuare. Tẽvã ishy pyape opa nãtu kova ñee.

Lucas 2:39

Hãma opama japo ñee mbyparahava Ñandeja heivarã jyrahajy Galileape, hentare Nazaretpe.

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Lucas 2:4

Hãrã José õhẽ tenta Nazaretvi, yvy Galileape'õ, oho Belenpe Judea kyty huvisha vasu David oa vekuape, heshara José hai David ñymoña hãndiare.

Mateo 2:23

Vãhẽ jyraha haiperã, oho iko jyre tentami Nazaret he'iashuvape. Kyrã jehu iko verã hekope kavi Tũpa ĩñee mbeu'ia hei vekua: “Jesús mbyheeapo Nazareno”.

Juan 7:14

Hãrã arete mbytema ohorã Jesús tũpaope icherã, õñepyrõ pyrỹmboi.

Mateo 26:55

Hãrã Jesús heishu kuaretare: Marã'ĩrãra kyse puku hareka yvyra ryheve pei shypysy verã, manarõ'ia rãĩmi. Opa ara rãnga avapy pynymbyteipi tũpaope apyrỹmboirã, tẽvã mbairãmba shymby peresopiva.

Juan 6:42

Hãrã hei reta: Kova kuimbai ha'ẽãra Jesús, José tay? Ñande rãnga jaikuaa tuu hareka ishy! Marã'ĩrãra hei vate araivi ouva?

Juan 9:29

Ore kuaaha Moisés Tũpa ijetashurã; tẽvã hokavaivi, ouvaivĩmba kuaahava.