Juan 7:18 - NandevaBiblia

¹⁸ Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

Juan 7:18 Referans Kwoze

Juan 5:41

She ahekãã kuaretare ijeta kavi shyrehe verã.

1 Tesalonicenses 2:6

Mapeã hekaha orẽmomba'eha verã, pyndyhevi maĩrã yngava retaivi, ajemaĩ ore Cristo jokuevare õĩtẽ jururehape verã yrỹmborypi verã, tẽvã japohãã.

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

Mateo 6:9

Tẽvã pee kyrãpo pirure: Yreru vate arapy rĩmerẽĩva, avy tymyngy'aha ndyree.

Juan 11:4

Jesús hokava hendurã hei: Ko mbairasy ha'ẽã rãnga opa verã ñymãnope; Tũpa ñymbaikatukue heshaka verãĩ rãnga, ko Lazaro ñymbairasykue rupii Tũpa heshakapo hai Tay mbaivasuva.

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Juan 12:43

Haire potãĩ kuaretare mbyveteshu, Tũpa õmombaitẽ verãivi.

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.