Juan 6:53 - NandevaBiblia

⁵³ Jesús heishu reta: Ãñete hai pee, pe'ũã kuareta Tay hoo hareka pumbusururuã huvyrã, katuãpo ĩmepyre tykove.

Juan 6:53 Referans Kwoze

1 Juan 5:12

Tũpa Tay ĩmereva, ĩmere tykove, tẽvã Tũpa Tay mba'etyreva, mba'etyre tykove.

Juan 6:55

Shyroo hai ho'uava añeteva, hãrã shuruvy hai mbusururua verã añeteva.

Juan 15:4

Pẽĩkatu shyrehe, hãrã she'ãĩpo jyve pyndyrehe. Shara uva hãkãkuereii katuãpo ia jypyre ẽ'ẽãrã; kyrã jyvepe peĩã shyreherã katuãpo mbai pijapo.

Juan 6:47

Ãñete hai pee, jyroja shyreheva ĩmemare tykove opamba verã.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Apocalipsis 2:17

Japysava tyhendu Espiritu heiva tũpao retape: Õhẽkaviva ñyrãrõivi ambyho'ukapokui maná ñomihareva ameẽpojyshu reta ita tĩĩva, mbyparahaheva tyree py'ahuva, mbavamba kuaava, koñeĩ me'ẽãshuvaĩpo kuaa.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Mateo 18:3

hei: Ãñete hai pee, piko vekua rãĩmi pyhejããrã hareka pikoã sanjay rãĩmirã picheãpo huvisha vasu vate arapy'õ ẽvãpe.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Lucas 13:5

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

Lucas 13:3

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

Juan 13:8

Pedro hei: Añonoã rãngaponde rijoheshe verã shepy! Jesús heishu: Ajohẽãnderã, haivẽãmapo ndekui shyryheva.

Mateo 5:18

Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Juan 6:62

Mbaivangamba ikotẽpo, pyhesha ko kuareta Tay jupijyma arykai iko'i vekuaperãme?