Juan 6:37 - NandevaBiblia

³⁷ Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Juan 6:37 Referans Kwoze

Mateo 11:28

Pei she ãĩvape, opaite pee pynykangyva hareka ojepy'apyva, she apurũmbuputuupo.

Juan 6:39

Hareka kova hai Sheru shymbou vekua potava; ãmykañymba verã hai meẽsheva, koñeĩ amynguerajy verã ara japyape.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Juan 17:6

Opaiteva nde rỹmeẽshe vekua kuaretare mbyteivi aikuaakashu reta mbavara nde. Hai reta rãnga na'ãpo vekuare hãrã rỹmeẽshe, hãme rãnga haire japo niñee.

Juan 17:2

Nde rãnga opa rĩñono kuaretare Ndyray ipope, meẽshu verã tykove opambava opaite jyrojaheare, hareka rymeẽshu vekuare.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

2 Timoteo 2:19

Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

1 Timoteo 1:16

Tẽvã Tũpa shypareko, Jesucristo heshaka shyrehe verã tynonde ñyharõkuaa hareka shypory verã ma'ẽãhe verã rãĩmi opaite jyrojahe verãre pevarã, hipity verã jyve tykove opambava.

Juan 6:65

Hãrã hei: Hãme rãnga hai pee, katũã kuaretare ou ãĩvape, Sheru veruãshurã.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

Apocalipsis 22:17

Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Juan 17:11

She rãnga ãĩmeveamapo'ãĩ ko yvy'ĩãrẽ; tẽvã haire ĩmeteripo'ẽ ko yvy'ĩãrẽ, hãrã she ahapo nde rẽivape. Sheru heko Kyambava, ñyngarekohe reta nymbaikatukuepy nde rỹmeẽshe vekuare, pente ñeepejyre verãre ñande jaikova rãĩmi.

Juan 9:34

Haipe haire heishu: Nde rearãvãĩ nytynyhẽ vekua mbai porãmba. Potara rei ỹrỹmboirẽĩ? Hãrã mohẽ reta Judiore ñymbatyseaivi.