Juan 6:2 - NandevaBiblia

² Heta kuareta oho haykue, shara hesha reta mbaikavi heshaha verã japova mynguera'i ñymbairasy vekua retarã.

Juan 6:2 Referans Kwoze

Mateo 12:15

Jesús kuama pota juka jyreshurã õhẽ haivi, hareka heta ohova haykue. Hãrã Jesús opaĩ mynguera hasyvare,

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Marcos 6:33

Tẽvã heta'ẽ kuaretare heshava Jesús ohorã, hãrã kuaa retarã opa ñani jyraha hỹnonderãpe, hãrã tynonde vãhẽ jyrahashi reta.

Mateo 14:14

Jesús vejy kanoaivirã hesha hetava kuimbai retarã parekoshu reta, hãrã mynguera ñymbairasyva haire verushuare.

Mateo 8:1

Jesús vejyjyma yvyturusuivirã, heta kuareta jyraha haykue.

Mateo 13:2

Hetaite kuaretare Jesús ẽẽ jurirã, jupi vapy varkope tẽvã kuaretare yy hỹmbeypi pyta.

Marcos 1:45

Tẽvã ko kuimbai ohojymarã, mbeu raha mbaivara ikohe; hãrã hai rehe Jesús katuvẽã iche ijeshakajy tenta retaipi, koñeĩ yvy ikoambaipi iko. Haipe opaivi ohovare oho hai ẽvãpe.

Juan 2:23

Jesús ĩme'ẽ Jerusalenpe Pascua areteperã, heta'ẽ jyrojaheare shara hesha reta mbaikavi heshaha verã hai japova.

Juan 3:2

Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Juan 6:14

Kuaretare heshama Jesús mbaikavi heshaha verã japorã, hei reta: Ãñeteñoĩ rãnga kova hai Tũpa ĩñee mbeu'ia ou verã ko yvy'ĩãrẽ.

Juan 6:22

Pareejyrã, kuaretare yyvasu hyvaisho kyty ĩmeĩ'iare, kuaajy reta Jesús mboireare ohojyvyã hãndi retarã hareka kanoa koñeĩ'õ jyrahajypyrã.

Juan 6:26

Jesús heishu reta: Añeteĩteva hai pee, shyrekapi shara opa pynyvãta apyrỹmyngarurã, ha'ẽã pikuama mbaivara he'ise hoka mbaikavi heshaha verã ajapo vekuarã.

Juan 6:30

Hãrã pỹrandushu reta: Mbaivara ryheshakapo'ore mbaikavi heshaha verã, heshaharã rojaha verã? Mbaivarapo rijapo?

Juan 11:47

Haipe fariseo hareka pai ruvishare ñymbaty hãndi Judiore juhuvisha retarã hei: Mbaivarapo jajapo? Ko kuimbai rãnga heta mbaikavi heshaha verã japo.

Juan 12:18

Hãrã kuaretare õhẽ hỹvãĩtishu reta Jesús, shara haire kuaa mbaikavi heshaha verã hai japova.

Juan 12:37

Jesús heta japo mbaikavi heshaha verã haire hỹnonde, kyrãtẽvã jyrojãhe reta.

Juan 20:30

Jesús japomba heta mbaikavi heshaha verã mboireare hỹnonde, ñonõãmba vekua ko kuatiape.