Juan 6:14 - NandevaBiblia

¹⁴ Kuaretare heshama Jesús mbaikavi heshaha verã japorã, hei reta: Ãñeteñoĩ rãnga kova hai Tũpa ĩñee mbeu'ia ou verã ko yvy'ĩãrẽ.

Juan 6:14 Referans Kwoze

Mateo 21:11

Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Hechos 7:37

Moisés teiva heimbashu arykai Israelita ñymoñashiare: “Tũpa mboupokui tyvyre mbytepe pente ñimiñee'ia, she shymbouhava rãĩmi”.

Mateo 11:3

Ndera hai Cristo ou verã, maĩrã ĩmera'ẽjy yngava hãrõha verã?

Juan 7:40

Ĩme'ẽ kuaretare mbytepe hendu hokava ñeerã heiva: Haiñõĩ ãmo Tũpa ĩñee mbeu'ia ñahãrõ ñaĩva.

Juan 1:21

Haipe pyrãndujyshu reta: Mbavara nde? Ndera hai Tũpa ĩñee mbeu'ia Elías? Juan hei: Ha'ẽã rãnga she. Hykuaĩ pyrãndujyshu reta: Akuarã, ndera hai Tũpa ĩñee mbeu'ia hãrõha'õva? Hai hei: Mba'ety.

Juan 4:19

Hokava taupe hendurã heishu: Sheja, hainymbashe nde haiva Tũpa ĩñee mbeu'ia.

Juan 4:42

Hãrã heishu reta taupe: Ã'ẽ haiveama nde rerevãĩ rojahava. Shara oreteima henduha hai heiva, hareka kuaahama añeteĩteva hai Cristo; opaite kuareta yvy'ĩãrẽ iare mondojepe verã.

Juan 4:25

Haivi taupe heishu Jesús: She aikuaa jyve ou verã Mesia, Cristo he'iashua; hai oumarã opa mbaipo mbeu kavi orekui.

Lucas 24:19

Jesús pyrãndushu reta: Mbaivara iko? Haire heishu: Jesús Nazareno ryheva, hai rãnga Tũpa ĩñee mbeu'ia, mbaikatupy japo'ia hareka ñeepy Tũpa hỹnonde hareka opaiteva henta'õre;

Lucas 7:16

Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Juan 6:2

Heta kuareta oho haykue, shara hesha reta mbaikavi heshaha verã japova mynguera'i ñymbairasy vekua retarã.

Juan 6:26

Jesús heishu reta: Añeteĩteva hai pee, shyrekapi shara opa pynyvãta apyrỹmyngarurã, ha'ẽã pikuama mbaivara he'ise hoka mbaikavi heshaha verã ajapo vekuarã.

Juan 6:30

Hãrã pỹrandushu reta: Mbaivara ryheshakapo'ore mbaikavi heshaha verã, heshaharã rojaha verã? Mbaivarapo rijapo?

Juan 11:27

Marta heishu Jesús: Kyrãĩte, Sheja. Aroja nde haiva Cristo, Tũpa Tay ou verã aryka'e ko yvy'ĩãrẽ.