42 Tẽvã she apyrykuaa kavi, hareka aikua Tũpape pyhaihuã.
Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?
Ĩme'ẽ ikokatuva hesha tyvy mbai mba'etyrearã, mba'ẽã meẽshurã, marãrapo Tũpa jyhaihukue ẽẽ pyape?
Avy pyhaihu mbai porãmba japo'iare ikova rãĩmi ko yvy'ĩãrẽ, hareka avy pijapo haire japova, kyrãva japo'iare mba'etyre pyndyrehe Teru jyhaihukue.
Ikotẽvẽã mbe'uashu verã marãvã kuaretara, shara hai opamba kuaa kuaretare pyape'õ.
Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.
Hãma hete potavaĩ japo'ia, iko ñymbyvaishohe Tũpa; shara japoã Tũpa ryheva ñee mbyparahava, ajemaĩ potatẽã ẽãshu japo verã.
Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.
Tẽvã pee pikuããshu, tẽvã she aikuaashu; hãrã she hai aikuambashuarã, shapupo jyve pee rãĩmi. Tẽvã aikuaa kavishu, hareka ajapo hai ĩñee.
Tũpa ryhevare hendu kavi Tũpa ĩñee; tẽvã shyrẽnduseãpi shara ha'ẽãpe Tũpa ryhevare.
Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.
Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?
Hãrã Jesús heishu reta: Pee rãnga pere pindijehe heko kaviva kuaretare hỹnonde, tẽvã Tũpa kuaa'ẽ pyndypya; hareka kuimbaire mbytepe mbai vasuva rãĩmi rekohava, hokava hai mbai porãmba'eiteve vekua Tũpa hỹnonde.
She ahekãã kuaretare ijeta kavi shyrehe verã.
She rãnga ai Sheru heepe, tẽvã shymyvãhẽãpi; hãrã ĩme'ẽ ijuhuvii ouvarã, ĩmerã pymyvãhẽposhu haikui.
