40 tẽvã patẽy pei ãĩvape pyreko verã hokava tykove.
Jyrojambare jyvareamahe, shara mbai porãmba japo jyrerã, sapeva yvy'ĩãrẽ outẽã, timimbivaĩ pya ohovehe reta sapevaivi.
Hentapetei ou, tẽvã henta ĩrũre myvãhẽãshu.
Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.
Jerusalen, Jerusalen, rijukava Tũpa ĩñee mbeu'iare hareka pijapiva ikuimbai Tũpa mbouvape! Mbovy jyramba potatẽ ambatyva ndyrayre, uru membyre mbatyva rãĩmi hypepo ipe, tẽvã ripotã!
Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.
Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.
Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.
Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.
Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?
Mondo jokuehareirea hẽno verã opaite hai hẽnokavare. Tẽvã haire ñateỹ jyveru.
Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,
She ahekãã kuaretare ijeta kavi shyrehe verã.
Manarõ'ia koñeĩ ou manarõ verã, puruka, hareka pyrỹmbai verã; tẽvã she ai ameẽ verã tykove, hareka heta pyree verã tykove.
