Juan 5:25 - NandevaBiblia

²⁵ Ãñeteĩte hai pee, ouma ara hareka ã'ẽvãĩpo, manovare hẽndukui Tũpa Tay ĩñee hareka hẽndushua kuerajypokui.

Juan 5:25 Referans Kwoze

Juan 5:28

Avy pykyje kyrã haiperã. Vãhẽpokui ara mano vekuare, hendu verã jyve shiñee,

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Juan 4:23

Tẽvã vãhẽma ara, ã'ẽvãĩpo ãñẽtẽite õmombai'iare Tũpa, õmombaishu verã Espiritupy hareka añetevape. Shara Tũpa kyrã pota õmomba'eashu.

Apocalipsis 3:1

Mbypara jyveshu Tũpa jokueva tũpao Sardispe'õ: Kyrã hei 7 Tũpa Espiritu ĩmerea hareka 7 jasytata: She aikuaa rijapo vekua hareka aikuaa jyve rỹmanorã ajemaĩ oparupi nymbe'uha rĩmeĩteririva.

Juan 8:47

Tũpa ryhevare hendu kavi Tũpa ĩñee; tẽvã shyrẽnduseãpi shara ha'ẽãpe Tũpa ryhevare.

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

Efesios 2:1

Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,

Romano 6:4

Shara ñañymyngarairã ñaniñotyha Cristo hãndi, hareka ñamano jakuerajy hãndi verã, jaikoma verã tykove py'ahuvape, kyrã Cristo kuerajya rãĩmi Tũpa Teru ñymbaikatu hĩmbipevapy.

Juan 8:43

Marã'ĩrãra pikuãã kova mbai ambeupeva? Shara potãã pyhendu shiñee.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Lucas 15:24

Shara ko shyray manoma vekua, ã'ẽ hykovejy; kañytẽ vekua, ñavãhẽjyshu”. Hãrã õñepyrõ vy'a reta.

Lucas 9:60

Jesús heishu: Ma'ẽĩhe manovare tiñoty hoka manova; tẽvã nde ekua mbeu ñee Tũpa ẽvãpe'õ ryheva.

Juan 4:21

Jesús heishu: Nde taupe, shyroja, vãhẽserima ara mbaveama ou verã ko yvyturusure õmombaivasu verã Tũpa, hareka oho verã Jerusalenpe.

Lucas 15:32

Haikavi rãnga javya pãveĩterã hareka ñandyrory, shara ko ndyryvy manomatẽ vekua, tẽvã hykovejy; kañytẽ vekua, hareka ã'ẽ heshahajy”.

Juan 17:1

Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 6:60

Hãrã Jesús mboireare hendu pyrỹmboihe kovarã hei reta: Kova ñee hai heiva rãnga javai jaikuaa verã. Mbavarapo kuaa nde kova?

Juan 9:27

Kuimbai heshamba kũvãĩpi vekua heishu reta: Hetama rãnga ãmbeupeje, tẽvã shyrojããpi. Mbai verãra pipota hykuãĩ ãmbeujype? Potara ikojyve pyndyhevi hai mboire verã?