Juan 5:14 - NandevaBiblia

¹⁴ Haivi Jesús heshajy kuimbai tũpaoperã heishu: Ã'ẽ rykuerama. Mãĩkavi, ãteñoma japokui mbai porãmbava, mãhẽ jehundekui mbai porãmba'eiteveva.

Juan 5:14 Referans Kwoze

Juan 8:11

Taupe heishu: Sheja, mba'ety. Haipe Jesús heishu: She jyve aipotã rỹmano. Ekuajyvy ãtẽñoma japokui mbai porãmbava.

Mateo 12:45

Haivi, oho hareka veru 7 ĩrũre mbaiposhy heko teitevevare hãrã ichepy reta hareka iko jyre haipe. Kyrã, kuimbaire hykovepe porã'ãĩteve õnepỹrõvaivi. Kyrãpo jehukui opa heko ñarõvare ã'ẽvare.

Marcos 2:5

Jesús heshama marãra haire jyrojaherã, heishu vatambava: Shyray, mbai porãmba rijapo vekua hejareiima ndyhevi.

Juan 5:5

Hãma haire mbytepe ĩme'ẽ pente kuimbai 38 ãñoma ñymbairasyva.

1 Pedro 4:3

Yteñoma arykai vekua rãĩmipi jyrojambare japovape, porãmba jaipykuavape, mbai potakuepe, ka'u hareka karuvasu ñymyngyapyvare, hareka javaite õmombai reta ta'angarei vekuare.

Juan 5:13

Tẽvã kuimbai kuãã mbavara mynguera, shara kuareta hetava haipe'õ mbyteivi Jesús õhẽjy oho.