Juan 4:48 - NandevaBiblia

⁴⁸ Haivi Jesús heishu: Pee pyheshãã heshaha verã hareka mbaikavi heshaha verãrã, pyrojããpo.

Juan 4:48 Referans Kwoze

Juan 20:29

Jesús heishu: Tomas, shyreshamarãra shyroja? Vy'apo opaite jyroja vekuare, shyreshambatẽãre.

Hebreos 2:4

Harekajy Tũpa my'añete ohojepeva ryheva mbai heshaha verã handi, mbaikavikue handi, mbaikavi heshaha verã handi, hareka mbaikuaakue Espiritu Santo meẽva rupii, Hai potava rãĩmi.

1 Corintios 1:22

Judio reta rãnga pota hesha mbaikavi heshaha verã, tẽvã griegore heka mbaikuaakue;

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Juan 12:37

Jesús heta japo mbaikavi heshaha verã haire hỹnonde, kyrãtẽvã jyrojãhe reta.

2 Corintios 12:12

Opaiteva jyhasa'asykue ahasava ñyhãrõkuaa ryheve, mbaikavi heshaha verã, mbai haĩrãã heshahava hareka moãmba pyheshava, peeteiva opa pyhesha vekua, hokava heshaka ãñete she haiva apostol.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

Hechos 14:3

Tẽvã, Pablo hareka Bernabé pytavejyre reta haipe shara Ñanderu Tũpa jyrojahe retarã kyjemba ryheve ijeta Ñandeja heepe. Hai my'ãñete haire heiva Tũpa jyhaihu, mbai heshahava hareka mbai kavi heshaha verã rupii, haire ipoipi japova.

Marcos 13:22

Shara oupo Cristo rã'angarã'ia hareka Tũpa ĩñee mbeu'ia japureiivare, hetapo japo mbai heshaha verã hareka mbaikavi heshaha verã pyrỹmbytavy verã, Tũpa pyhỹrõva retavepo mbytavy.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Hechos 2:43

Opaiteva kuaretare mbyrymaĩ mbai haikaviva hareka mbai kavi heshaha verã Tũpa japova Apostolre rupii.

Juan 2:18

Haipe Judiore pyrãndushu: Marãva mbaikavi heshaha verãrapo ryheshaka'ore, kuaaha verã ĩmeryreva mbaikatu kyrã rijapo verã?

Lucas 16:31

Abraham heishu: “Henduseã Moisés, hareka Tũpa ĩñee mbeu'ia retarã, rojã'ãĩpo jyve reta ĩmetẽ'ẽ pũãjyva manovare pãũvi”.

2 Tesalonicenses 2:9

Hokava heko porãmba'ia oupo Satanás mboryshurã rupii. Oupo tivisha ñymbaikatupe, mbai heshaha verã hareka mbai kavi heshaha verã añetemba ryheve,

Hechos 15:12

Hãrã opaite ñymbaty õre opa chirĩrĩ reta, jasakahe reta Bernabé hareka Pablo ĩñee, mbeu ñynõĩshu mbaikavi hesha verã Ñanderu Tũpa japo vekua hai reta rupii haimba Judiovare mbyteipi.

Hechos 7:36

Moisés haimba arykai ñanytynondevare nohẽ vekua, hareka japo mbai heshaha verã, ko yvy'ĩãrẽ iko verã, yyvasu Pyntava hareka yvy ikoambaipi 40 ãño.

Hechos 6:8

Esteban, Tũpa mynyheshu mbaikatu hareka maĩkavihe, hai rupii japo opa mbai kavi heshaha verã hareka mbai heshaha verã opaite kuaretare mbytepe.

Hechos 5:12

Heta mbai heshaha verã hareka mbai kavi heshaha verã iko Apostolre rupii kuaretare mbytepe hareka opaite jaty reta Salomon hõchepe pente ñeepe.

Hechos 4:30

hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Jesús heko kyamba.

Hechos 2:19

Hãrã aheshakapokui vate arare mbai heshahambava hareka yvy'ĩãrẽ ẽẽpokui mbai heshaha verã: Tuvy, tata hareka tatãti.

Juan 15:24

She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.

Lucas 10:18

Jesús heishu reta: “She ahesha marãra Satanas oa vate araivi, vera vekua rãĩmi.

Mateo 27:42

Ynga reta mondojepe'i, tẽvã hai katuã ñymondojepe. Israelitavare juhuvisha rãnga, tyvejy kurusuivi hãrãpo jyrojahahekui.

Mateo 16:1

Fariseo hareka saduceore oho Jesús'õpe, pyahãshu verã jurureshu reta mbai heshahava vate araivi ouva. Kyrãra hai heshakapo pyrãtãkue.

Juan 4:49

Tẽvã huvisha hei jyvyĩshu: Sheja, ãrẽ'ãĩte'ei ndei shyray manorã.