Juan 4:14 - NandevaBiblia

¹⁴ tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 4:14 Referans Kwoze

Juan 6:35

Jesús heishu reta: She hai pãhã meẽva tykove. Hãma shyrẽndape ouva ñymbahyveamapokui; hareka jyroja shyreheva haiveama ju'uhe verã.

Apocalipsis 7:16

Ñymbahyveãmapo hareka ju'uheveãmapo reta, haire kuarasy hapyveãmapo hareka iko'asyveãmapo reta hakukueivi.

Juan 11:26

Hãrã opaite hykove teri'iare jyroja shyreheva, opa ara pevarãpo mano. Ndera ryroja kova mbai?

Juan 6:58

Aijeta'aĩhe ko pãhã ou vekua vate araivi. Kova pãhã ha'ẽã mana pynytynondevare hou jyre vekua rãĩmiva, haivi opa mano reta, tẽvã kova pãhã houva ĩmepore tykove opambava.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

Juan 10:10

Manarõ'ia koñeĩ ou manarõ verã, puruka, hareka pyrỹmbai verã; tẽvã she ai ameẽ verã tykove, hareka heta pyree verã tykove.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

Romano 5:21

Shara kyrã mbai porãmbava ouma ñymano ĩãrẽrã, me'ẽãreiiva ouma ĩãrẽ mbai kavi tykove opamba verã Ñandeja Jesucristo rupii.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Mateo 5:6

Vy'apo opaite ñymbahy'iare hareka hekope ju'uheva, haipo meẽshu reta Tũpa potava.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 4:11

Taupe heishu: Sheja, mba'ety rãngaryre rynohẽpy verã yy, hareka kypevãĩ'ẽjy poso, maĩvirapo rỹnohẽkui hokava yy meẽva tykove?

Juan 4:13

Jesús heishu: Opaite houva kova yy, hykuãĩpo ju'uhejykui;

Juan 4:36

Hãrã ñotyãvã'ia mynovã mẽ'ẽhãshu japova hepykue. Ko ñotyãva'ia myno'õhãvã rãnga hai tykove opambava pevarã, kyrã vyapãvẽĩ verã ñimĩtyva hareka ñotỹava'ia mynovã.

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Juan 7:37

Arete vasu ara koñymava mbyharuaveva, Jesús ñymbou hỹnatu ijetarã hei: Ĩme'ẽ ju'uhevarã tou shyrẽndape, hou verã yy.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.