Juan 3:6 - NandevaBiblia

⁶ Opaite tyro'oivi oava, hai tyroo; hãrã oava Espirituivi, espiritu jyve.

Juan 3:6 Referans Kwoze

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

1 Juan 3:9

Opaite Tũpa tayre japoveama mbai porãmba, shara Tũpa heko'ẽpy, hãrã katuveãma japo mbai porãmba, shara haima Tũpa tayre.

1 Corintios 6:17

Tẽvã Ñandeja ñymypente hãndiva, mokue'õre ikoshi reta penteĩva hykovepe.

Romano 7:18

She aikuaa kavi shypyape hareka shyretepe mba'ety haikavivarã, potatẽ haikaviva ajapova, katuã ajapo.

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Colosenses 2:11

Cristo rupii pindipire chĩchĩama jyve. Tẽvã ha'ẽã japoava tyretere, koñeĩ ñandipire chĩchĩãva Cristo japo ñandyreheva, hareka ñandyreky porãmba vekuaivi.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Juan 1:13

Ha'eã turuvy hareka tyroo potava rupii oavare; ha'eãvãĩjy kuareta potava rupii, Tũpaivi oava reta rãnga hai.

Romano 7:5

Shara jaikoteri jajapo porãmba ñandyrete potavarã, ñee mbyparahava mbysareko mbai potakue, hokava mbyheta maĩnunga porãmba japokava ñymano.

Romano 7:25

Ameẽshu shy'ajetekue Tũpa, Ñandeja Jesucristo rupii. Koñemahea: Aikuaa ajapoñoĩ verã ñee mbyparahava Tũpa pota japoashuva, tẽvã shyrete ikangyrã, ãĩmeĩ'ãĩ ñee mbyparahava mbai porãmba japoa verãpe.

Juan 3:7

Avy kyje kyrã hainderã: “Rea py'ahujyñoĩpo”.