Juan 3:3 - NandevaBiblia

³ Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 3:3 Referans Kwoze

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

1 Juan 3:9

Opaite Tũpa tayre japoveama mbai porãmba, shara Tũpa heko'ẽpy, hãrã katuveãma japo mbai porãmba, shara haima Tũpa tayre.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

Tito 3:5

ñanymondojepe haimbatẽ mbai haikaviva jajapo jairã, shara ñandypareko. Ñandohe mbai porãmbavaivi, ñanymby'oa py'ahujy hareka Espiritu Santo rupii meẽ ñande tykove py'ahuva.

Juan 1:13

Ha'eã turuvy hareka tyroo potava rupii oavare; ha'eãvãĩjy kuareta potava rupii, Tũpaivi oava reta rãnga hai.

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

Galatas 6:15

Ñañymypente hãndi Jesucristorã, mba'eã he'ise ñandipire chĩchĩãra maĩrã mba'etyra; koñeĩ haikavi Tũpa ñandapo py'aujyva.

1 Juan 5:18

Jaikuaa rãnga Tũpa tayre, japoveãma mbai porãmba, shara Tũpa Tay ñyngarekohe, hãrã Ãña katuveãma pokohe reta.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Juan 12:40

Tũpa opa mỹhãvẽshi hesare hareka pya mytãtashi reta. Potãã hesha retarã hareka kuaa reta pyaperã, jyroja shyreherã oujy shykotyrã, hareka amynguera verãre.

Efesios 2:1

Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,

Juan 1:5

Hãrã hoka hendyva sape timimbivape, hãrã timimbiva katuãã mbove.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Mateo 5:18

Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.

Mateo 19:24

Hãrã haijy pee, javaiãshu kamello hasa verã ju sakuaipi, kuimbai ikokatuvare iche verã Tũpa huvisharã'õpe.

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

Marcos 9:47

Ndyresa ndirity mbai porãmbaperã, nohẽ ndijuhuvi; haikavivepo ndyresa hyvaishõi riche Tũpa ẽvãpe, mahẽ ndyresa mokue ryheve nymombohakui tata vasupe,

Marcos 10:14

Jesús hesha hokavarã poshype heishu reta: Pyma'ẽĩhe sanjayre tou shyrẽndape, avy pijocha; shara haire rãĩmivã retaĩpo ichekui Tũpa ẽvãpe.

Juan 3:4

Nicodemo pyrãndushu: Marãrapo pente kuimbai kuakuamava oa py'ahujy? Icherapojy ishy hyepe oa py'ahujy verã?

1 Juan 5:4

Shara opaite Tũpa tayva, jepymahe porãmba ko yvy'ĩãrẽ. Jairoja rupii opa jajepyhe porãmba vekua.