Juan 3:18 - NandevaBiblia

¹⁸ Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

Juan 3:18 Referans Kwoze

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

Romano 8:1

Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

1 Juan 5:12

Tũpa Tay ĩmereva, ĩmere tykove, tẽvã Tũpa Tay mba'etyreva, mba'etyre tykove.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

1 Juan 4:9

Tũpa rãnga heshaka ñande jyhaihu, mbou Tay pentereva ko yvype, hai rupii ĩmẽjare verã tykove opambava.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 6:47

Ãñete hai pee, jyroja shyreheva ĩmemare tykove opamba verã.

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Juan 1:12

Tẽvã opaite myvãhẽshuva hareka jyrojahevare; ikoshi reta Tũpa tayre.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Hebreos 3:19

hareka añete katuã iche Canaanpe shara jyrojããhe reta Tũpa.

1 Juan 3:23

Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.