Juan 3:13 - NandevaBiblia

¹³ Mba'ety jupiva vate arapy, haivi vejy vekuãĩ rãnga; jaishu kuareta Tay.

Juan 3:13 Referans Kwoze

Juan 6:38

She ai vate araivi ajapo verã shymbou vekua potava, ha'ẽã she aipotavãĩ ajapo verã.

Hechos 2:34

Ha'ẽã David jupiva vate arapy, haiteiva rãnga hei: “Tũpa heishu Sheja: Vapy shakata kyty,

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

1 Corintios 15:47

Kuimbai tynondeva rãnga hai yvy ĩãrẽ'õ, yvyivi japoa vekua; kuimbai mokueheva, haiva Ñandeja, hoka hai ara vate'õ.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Romano 10:6

Tẽvã ñymbyheko kavi ouva jyroja rupii hei: “Avy ere ndypyape, mbara jupipo vate arape?” (hokava hai Cristo pota mbyvejy vate araivirã).

Juan 6:62

Mbaivangamba ikotẽpo, pyhesha ko kuareta Tay jupijyma arykai iko'i vekuaperãme?

Juan 3:31

Vate araivi ouva rãnga, opavare ĩãrẽ'ẽ. Kuaretare yvy'ĩãrẽ'õ, yvy'ĩãrẽ'õvãĩ ijetahe; tẽvã vate araivi ouva opavare ĩãrẽ'ẽ.

Juan 6:46

Mba'ety heshava Tũpa; Tũpaivi ouvañõĩte koñeĩ hesha.

Juan 6:42

Hãrã hei reta: Kova kuimbai ha'ẽãra Jesús, José tay? Ñande rãnga jaikuaa tuu hareka ishy! Marã'ĩrãra hei vate araivi ouva?

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Juan 6:33

Pãhã tykove meẽva rãnga hai Tũpa mbouva vate araivi kuaretare pevarã.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Efesios 1:23

Hareka Cristo teiva opa mynyhẽ tũpao hareka opa mbaire.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Juan 3:12

Ko yvy'ĩãrẽ'õ ryheva aijetaheperã shyrojããpirã, marãrapo pyrojajy aijetahepe mbai ara vate'õ ryhevarãme?