Juan 21:19 - NandevaBiblia

¹⁹ Kyrã Jesús mbykuaaka, Pedro marãrapo mano, hareka õmombaivasu Tũpa. Haivi Jesús heishu: Ei shimĩ'ĩrũ!

Juan 21:19 Referans Kwoze

2 Pedro 1:14

Ñandeja Jesucristo kuaakama she aiko pukuveãma verã ko yvy'ĩãrẽ.

Juan 21:22

Jesús heishu: She aipotarã hai ĩmeĩteripo'ikui, aijypeve. Mbaivara nde hokava? Nde, ei shimi'ĩrũ.

Mateo 10:38

Hãma jukurusu hupimbaa hareka shĩmi'ĩrũrã, katuãpo sha'ãporãva.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

Juan 12:33

Kyrã Jesús mbeu kavishu reta marãrapo mano kurusure.

Juan 18:32

Kyrã iko Jesús hei vekua marãrapo hai manokui.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 8:22

Tẽvã Jesús heishu: Ei shimĩ'ĩrũ, ma'ẽĩhe manovare tiñoty reta hapisha manova.

Juan 21:18

Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.