28 Haipe Tomas hei: Sheja, hareka shu Tũpa!
Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.
Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.
Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.
opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.
Haire opama õmombaishu retarã, vy'ape oujy reta Jerusalénpe,
Haivi Jesús heishu: Maria! Hãrã Maria jerepyrã Hebreo ĩñeepe heishu: Raboni! (He iseva “Pyrỹmboi'ia”).
Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.
Jesús heishu Tomas: Minje ndepo inti kope koravo kuarekuepe, hãrã mãĩ shepore, hareka minje ndepo shiche kutuha vekuape. Ỹteñomapo mbai ryrojãã iko, ryroja rãngapo!
Jesús heishu: Tomas, shyreshamarãra shyroja? Vy'apo opaite jyroja vekuare, shyreshambatẽãre.
