Juan 20:22 - NandevaBiblia

²² Haipe Jesús mboireare peju ĩãrẽrã, heishu: Ameẽpe Espiritu Santo.

Juan 20:22 Referans Kwoze

Hechos 19:2

hãrã pyrãndushu reta: Me'ẽãra jyvepe Espiritu Santo pirojamarãme? Haire heishu: Henduhãã rãnga'ore ẽẽvã Espiritu Santo.

Hechos 8:15

Vãhẽma jyraharã, jururehe reta opaite jyrojavare Samariape'õ, Espiritu Santo myvãhẽ verã reta.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Galatas 3:2

Aipotaĩ pymbyhovaishe ko apyrãnduva: Vãhẽrape Tũpa Espiritu Santo Moisés mbypara vekua pijapopirã maĩrã pyroja ko Ñee kavivarãra?

Hechos 4:8

Pedro tynyhe Espiritu Santoivirã heishu reta: Mburuvishare Israelpe'õre,

Hechos 10:47

Hãrã Pedro hei: Katurapo mbava jocha ñymyngarai verã opaite ko kuaretare Espiritu Santo vejyheva, ore rãĩmi?

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Juan 14:16

Hãrã airureposhukui Sheru mboupe verã, pente pynymbory verã hokava hai Espiritu Santo opa ara pinimi'ĩrũ verã.

Juan 16:7

Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Juan 20:23

Hãrã papisha pyhejareishi mbai porãmba japo vekuarã, Tũpa hejareiipo jyve pyndyhevi. Tẽvã pyheja reĩãrã, Tũpa heja reĩãpo jyve pyndyhevi.