Juan 20:16 - NandevaBiblia

¹⁶ Haivi Jesús heishu: Maria! Hãrã Maria jerepyrã Hebreo ĩñeepe heishu: Raboni! (He iseva “Pyrỹmboi'ia”).

Juan 20:16 Referans Kwoze

Juan 10:3

Hãma õche ñyngarekoheva peashu iche verã avishare ñyngareko'ihea, haivi hai hẽno pepenteĩ heepe, hãrã avishare kuaajyveshu reta ĩñee. Hãrã hai nohẽ koraivi.

Juan 1:38

Haipe Jesús mãĩ haykuerã hesha ouhipia retarã pyrãndushu: Mbaivara pyhekapi? Haire hei: Rabi (he'iseva Pyrỹmboi'ia) mapera rikori?

Hechos 10:3

Pente ara, ka'arumarã mbahapy oravape hesape ouva, hesha kavi pente Tũpa jokueva ou hai ẽvãperã heishu: Kornelio!

Hechos 9:4

Saulo oa yvyperã hendu pente ñee heiva: “Saulo, Saulo marã'irãra shymoñari?”

Juan 6:25

Vãhẽma jyraha yyvasu hyvaishoperã hesha reta Jesús, hãrã pyrãndushu reta: Pyrỹmboi'ia, mbaipera rỹvãhẽrei kope?

Juan 20:28

Haipe Tomas hei: Sheja, hareka shu Tũpa!

Juan 13:13

Pee rãnga shymbyheepi “Pyrỹmboi'ia” hareka “Sheja”, haikavi rãnga kyrã pererã, shara haishe.

Juan 11:28

Haivi kova mbai opa heirã, Marta oho hẽno kypyy Maria, ñemiãpẽĩ heishu: Pyrỹmboi'ia vãhẽma ou kope, hai nyrẽnokaje.

Juan 5:2

Haipe Jerusalenpe avishare hõche he'iashua hyvache, ĩme'ẽ pente yy mbyhyruhapya hebreo ĩñeepe he'iashua Betesda, ĩmereva pandepo hõche.

Juan 3:2

Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Lucas 10:41

Tẽvã Jesús heishu: Marta, Marta, opa mbai rijapo verãre rĩkangyrihe hareka rejepy'apyherihe;

Mateo 14:27

Jesús ijetashu retarã hei: Avy pykyje! She rãnga.

Marcos 10:51

Haipe Jesús pyrãndushu: Mbaivara ripota ajapo ndyrehe? Hãma heshamba kũvãipia heishu: Pyrỹmboi'ia, pota rãnga aheshatẽvẽ kuvãipi.