Juan 2:19 - NandevaBiblia

¹⁹ Jesús heishu reta: Opa pymambai ko tũpao, mbahapy arapepo ãmupũãjykui.

Juan 2:19 Referans Kwoze

Marcos 14:58

Ore henduha heirã: “Opapo ãmambaikui ko tũpao kuimbaire japo vekua, tẽvã mbahapy arape amupũãpojy yngava, haimba kuimbaire japova”.

Marcos 15:29

Hãma haipi hasava ñymbyhoryhe Jesús, ñaka mbyvava jyrerã hei reta: Mahẽ! Nde rãnga rere tũpao opa rỹmambairã, mbahapy arape rũmupuãjy verã.

Mateo 27:40

hei: Nde rityndaporẽĩ tũpao hareka rũmũpũã ndapojy mbahapy aravape, ñymondojepe jyvy. Nde hai Tũpa tayrã vejy hoka kurusuivi.

Mateo 12:40

Jonas ẽvã rãĩmi mbahapy ara hareka pỹntu, pira vasu hyeperã kyrã jyve, kuareta Tay pytapo mbahapy ara hareka pỹtu, yvy'ipy.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

Romano 6:4

Shara ñañymyngarairã ñaniñotyha Cristo hãndi, hareka ñamano jakuerajy hãndi verã, jaikoma verã tykove py'ahuvape, kyrã Cristo kuerajya rãĩmi Tũpa Teru ñymbaikatu hĩmbipevapy.

Juan 11:25

Haipe Jesús heishu Marta: She hai manovare mynguerajy'ia, hareka tykove. Shyrehe jyrojava, ajemaĩpo mano kuerajyñoĩpo.

Marcos 8:31

Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Colosenses 2:12

Pee pimyngaraimarã, piñyñoty hãndi Cristo, kyrãijy pykuerajy manovare mbyteivi, shara pyroja Tũpa ñymbaikatukue mynguerajyva Jesús manovare mbyteivi.

1 Corintios 15:12

Tẽvã mbe'uha Cristo mupũ'ãhajyva manovare mbyteivi, hãmera marã'ĩrã ĩme'ẽjy pynymbytepe heiva kuerajymbava manovare?

Romano 4:24

ñandyrehe rãnga jyve, shara jaroja Tũpa haitei mupũajy vekua Jesús Ñandejape.

Hechos 3:26

Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Hechos 6:14

Ore henduha heirã Jesús Nazareno opa mambai verã ko tũpao hareka yngava ñonojy verã jaikova rãĩmi Moisés heja ñande vekua.