Juan 2:16 - NandevaBiblia

¹⁶ Pykasu õvende'õ retape hei: “Kovare pynohẽ koivi! Avy pijaposhi Sheru hoo mba'ovaha'ẽ ipea!”

Juan 2:16 Referans Kwoze

Mateo 21:13

Hãrã heishu reta: Tũpa ĩñeepe rãnga hei: “Shero rãnga mbyheeapo, oo jurureha'ipe verã”, tẽvã pee pijaposhi manarõ'iare ikua.

Marcos 11:17

Haivi õñepyrõ mboishu kuareta retarã hei: Marãra hei Tũpa ĩñe'ẽ? “Sheru hoo, he'iaposhu oo jurureha'ẽ ipeva opaite tentare pevarã, tẽvã pijaposhi manarõ'iare ikua.

Lucas 2:49

Jesús heishu reta: Marã'ĩrãra shyrekapi? Pikuããra aiñoĩ verã Sheru ña'ãpovare ẽvape?

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Juan 5:17

Tẽvã Jesús heishu reta: Sheru rãnga mba'apoñõĩ hai ã'ẽpeve, hãrã she amba'apoñoĩ jyve.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Juan 10:29

Sheru ñymbaikatuveva, meẽshe hoka avishare, hãrã mba'ety yngare hekyshi verã ipoivi.

Juan 8:49

Jesús mbyhovaishu reta: Mba'ety rãnga'are mbaiposhy. She ambyvete Sheru, tẽvã pee shymbyveteãpi.

Mateo 21:12

Haivi Jesús iche tũpaope hãrã opa mohẽ haipe mãvendeva hareka mba'ova'õre. Haipe opa mbijapara mesa kyrypoti mbyhepyha ẽvãpe, hareka pykasu meẽ'õre vapy ñynõĩheare.

Mateo 22:5

Tẽvã opaite jurureshu vekuare ou verã mba'ẽã kuahase ñynoĩ. Penteva oho maĩhe jy'yvy, ĩrũ oho mba'ova,

Juan 2:15

Jesús hesha hokavarã, heky pente tukumbu, hãrã opa mohẽ reta tũpaovi hũmba ryheve avisha hareka vaka. Mbijaparashi kyrypoti okambia'õre ñymesarã, opa ityshi jykyrypotire yvype.