32 Kyrã iko Jesús hei vekua marãrapo hai manokui.
Moisés mũpũãva rãĩmi yvy ikoambaipi mboi hã'ãnga bronceivi japoava, kyrãĩpo mũpũ'ãhã jyve kuareta Tay,
Pee rãnga pikuaa, mokue ara paskua arete verãpe. Hãrã kuareta Tay me'ẽãpo kurusure mbysavavaha verã.
Haivipo shyme'ẽãkui haimba Judiovare ipope, ñymbyhory shyrehe verã, shunũpa hareka shymbysavavaha kurusure. Tẽvã mbahapy arapepo shykovejyrã ãpuãjykui manovare mbyteivi.
Hãrã Jesús heishu reta: She, Kuareta tay rãĩmi ai vekua ko yvy'ĩãrẽ shiñonomapi kurusurerã, pikuaapokui “She haiñoĩvarã”, hareka she ajapoã maĩnunga shijuhuvi; kõñeĩ ambeu Sheru shymboihe vekua.
Jaha rãnga jai Jerusalen kyty, haipe kuareta Tay ñonoãpokui pai ruvisha, hareka Moisés mbypara vekua pyrỹmboi'iheare ipope, haire jururepokui jukaha verã, hareka meẽpojyshukui kuareta tenta yngaivi ouva retape.
Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.
Hãrã japiteri ñynoĩ itaperã, Esteban jururerã hei: Sheja Jesús, ndepope añono shyrykove.
Haire heishu: Ndukahããpo itape mbaikavi rijapo vekua rehe, Tũpa porãã rijetaherã reheĩ rãnga. Kuimba'ẽĩ rãnga nde, tẽvã rijijapori Tũpa rãĩmi.
Haipe Judiore hykuaãĩ opa hekyjy reta ita japi verãre Jesús.
Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.
Haipe Pilato heishu reta: Pyraha hareka pijapohe Moisés mbypara vekua heiva rãĩmi. Haipe Judiore heishu: Tẽvã ore Judiore katũã mbavape jukahaka.
Kyrã Jesús mbykuaaka, Pedro marãrapo mano, hareka õmombaivasu Tũpa. Haivi Jesús heishu: Ei shimĩ'ĩrũ!
